Lugo, 19 de novembro de 2023. A deputada do BNG no Parlamento de Galiza Carme Aira, acompañada do concelleiro do BNG de Láncara, Iago Bande e compañeiros do BNG desa localidade  asistiu á XXI edición dos premios Facer País, que desta volta recaeu na cantora María Xose Silvar "Ses"

A deputada nacionalista puxo en valor o traballo realizado polas asociacións que dan este premio. "Uns premios que poñen en valor Láncara e o seu compromiso coa cultura galega" declara  Carme  Aira, "unha cultura, a galega, que precisamos que sexa espallada por todo o país e polo que no BNG apostamos decididamente" afirma a deputada.

Carme Aira tamén felicitou a premiada deste ano María Xosé Silvar "Ses" recoñecida cantora popular galega que coas súas cancións lle pon voz as inxustizas sociais e de xénero que padecemos  nesta sociedade.