“Querémoslle ao noso Concello, por iso co BNG-Asembleas Abertas no goberno de Begonte traballaremos incansablemente para construír un Begonte con futuro”, dixo María Xosé Pardo.

Begonte, 11 de maio do 2015. O BNG-Asembleas Abertas presentou a candidatura coa que concorrerá ás eleccións municipais no concello de Begonte. María Xosé Pardo Redondo, de 26 anos, debuta como candidata a alcaldía, aínda que xa participou en candidaturas do BNG na localidade en ocasións anteriores.

A candidata nacionalista defendeu que “votar ao BNG-Asembleas Abertas é garantía dun Begonte vivo, democrático e con futuro”. “Queremos construír un Concello aberto ás veciñas e veciños, con transparencia, traballo, honradez e ilusión para construír entre todas e todos un Begonte mellor” sinalou.

María Xosé Pardo Redondo defendeu que co BNG-Asembleas Abertas “o concello terá un papel activo favorecendo o desenvolvemento económico. Impulsará o autoemprego asociado á agricultura e á gandeiría, aproveitando as nosas potencialidades neste ámbito para crear postos de traballo”, dixo.

“Begonte necesita servizos que favorezan a conciliación da vida laboral e familiar, que contribúan a que  a xente nova quede aquí. A  construción dunha gardería é unha prioridade para nós”, defendeu María Xosé Pardo.

O coidado e valorización do patrimonio natural e cultural, habilitar os locais socias nas parroquias para usos culturais e deportivos das distintas asociacións, porlle fin á situación de abandono do concello, amañando as estradas e comunicacións e esixíndolle á Xunta e a Fomento que tomen medidas para correxir as inundacións, son outras das propostas do BNG-Asembleas Abertas que defendeu a candidata nacionalista.

“Querémoslle ao noso Concello, por iso co BNG-Asembleas Abertas no goberno de Begonte traballaremos incansablemente para construír un Begonte con futuro”, concluíu María Xosé Pardo.

CANDIDATURA DO BNG-ASEMBLEAS ABERTAS

CONCELLO DE BEGONTE

 1.  María Xosé Pardo Redondo

1. 2.  María Mar Prado Cruz
2. 3.  Begoña Ferreiro Veiga
3. 4.  Xabier Pichín Redondo
4. 5.  Luis Vizcaíno Barreiro
5. 6.  Manuela Castro López
6. 7.  Xosé Manuel Rodríguez Rodríguez
7. 8.  María José Blanco Fernández
8. 9.  Andrei Quntiá Pastrana

10. Margarida Frá Pérez

11. Félix Corredoyra Corredoyra