A Área de Mobilidade avanza nos pasos necesarios para volver activar o SAE
 

Rubén Arroxo: “Dende o concello estamos a traballar para traer turismo a Lugo, mais a Xunta está a impedírnolo co abandono deste barrio”

Rubén Arroxo sinalou que “Moitas persoas descoñecen a súa existencia, ou pensan que se tratan de aparcadoiros privados por falta de sinalización”

Moscoso encabezará a candidatura para “devolverlle a ilusión ao O Incio” por que “sabemos que é un concello con potencial para o futuro”

 “Vertidos de augas residuais, maleza tapando viais, farolas ocultas polas árbores, son a paisaxe actual da Fervedoira” explicou Rubén Arroxo

Arroxo sinalou que “moito se ten falado sobre o gran número de xabaríns pero parece que unicamente se aportan solucións dende o BNG”

Rubén Arroxo lembrou que a principios de setembro foron retirados os 11 existentes na cidade e nada se sabe da colocación dos novos

Arroxo sinalou que “queremos destacar a falta de interese e o inmobilismo deste goberno en solucionar a mal funcionamento dos buses”

Tres liñas de buses que pasan por diante da piscina das Pedreiras van dar a volta á rotonda da Av. de Madrid, na Tolda, cando antes xiraban nas Pedreiras

“En 2 anos e medio nin alternativa á ORA, nin modificación das prazas dos soterrados, nin `Leira Parking´, nin disuasorios, pero si moito fume e propaganda” Rubén Arroxo 

Lugo, 7 de decembro de 2017. O voceiro do BNG, Rubén Arroxo, rexistrou unhas serie de preguntas para a comisión municipal de cara a pedir explicacións pola “incapacidade que amosa o goberno municipal para dar solución aos problemas de mobilidade e de tráfico”. En canto a isto para o portavoz municipal do BNG “o goberno local non foi quen aínda de darlle solución á proposta estrela deste PSOE nada máis entrar, hai 2 anos e medio, como foi retirar o sistema ORA” dende a organización nacionalista cuestionan que a comisión de municipalización deste servizo só se convocase para constituírse e de iso xa pasaron 2 anos. Dende o BNG lembran a súa proposta dun servizo alternativo que sexa público e gratuíto, pero que garanta que haxa sitios onde estacionar nos puntos de máis servizos da cidade, dado que a día de hoxe resulta practicamente imposible.

O propio concelleiro tamén fixo fincapé na pouca preocupación da alcaldesa por sacar adiante os aparcadoiros disuasorios “dende o BNG fixémoslle xa hai 2 anos unha proposta para utilizar diferentes terreos abandonados na cidade como aparcadoiros, no seu día o goberno aceptouna e incluso lle asignou unha partida económica, pero entramos na época de nadal, que é cando máis problemas hai de estacionamento de vehículos e seguimos sen ver absolutamente nada”. Ao igual que existía partida económica para os xa prometidos por Orozco “Leira Parkings” do HULA e dos que aínda non hai nin a primeira pedra. Nesta mesma liña dende o grupo nacionalista lembran tamén que están paralizadas as negociacións prometidas para modificar as prazas dos aparcadoiros soterrados co fin de que collan os vehículos actuais. “en 2 anos e medio nin alternativa á ORA, nin modificación das prazas dos aparcadoiros soterrados, nin “Leira Parking”, nin aparcadoiros disuasorios, pero si moito fume e propaganda” 

Finalmente dende o BNG volveron denunciar o pouco respecto do goberno municipal aos acordos plenarios, “incluso os sinxelos de executar e que eles mesmos votan a favor” como foi co caso da proposición presentada polo grupo nacionalista e aprobada por unanimidade o 28 de setembro para que en menos de 15 días se convocase a todos os grupos para expoñer o modelo de novas liñas de buses que debería estar funcionando dende xuño. Malia todo isto dende o goberno municipal non só non puxeron a funcionar o novo modelo, senón que tampouco convocaron aos grupos municipais. Cuestión a do transporte público que preocupa aos nacionalistas, dado que entenden que “é imposible reducir o número de vehículos privados nas nosas rúas se non se crea un transporte público eficiente”, afirmando tamén que ao non ter tomado ningunha medida en canto comece a chover volveranse producir grandes atascos.

“Neste momento a Banda Municipal de Música está sen dirección a pesares de que en febreiro se nos dixo que solo faltaba un papel” explicou Maite Ferreiro