Alexandre Penas agradeceu a colaboración veciñal “para saber de primeira man as necesidades da zona”
Felipe Rivas lembrou que segue aberto o prazo para solicitar as axudas de libros de texto e material escolar
Lugo, 08 de agosto de 2019. O concelleiro de Educación, Felipe Rivas, informou no día de hoxe da dispoñibilidade de salas de lectura nos locais municipais. Segundo Rivas, “debido ao peche tanto da biblioteca provincial como de Intercentros durante as tardes do mes de agosto, desde o concello temos dispoñibles preto un cento de prazas que as estudantes do concello teñen á súa disposición”.
As salas dispoñibles son as seguintes:
Felipe Rivas indicou que no resto de Centros de Convivencia municipais tamén existen salas de lectura, máis non están separadas do resto de estancias, polo que se comparte o espazo co resto de usuarios do centro.
Os Cursos están organizados polo Concello coa colaboración da Dirección Xeral de Tráfico
Na asemblea promovida pola Asociación de Usuarios o concelleiro de Educación mentiu e aseverou que aprobando a RPT o problema estaría solucionado e os servizos xurídicos din que non é así
Lugo, 7 de agosto de 2017. O BNG vén de rexistrar unha solicitude de comparecencia en pleno para o concelleiro de desenvolvemento sostible para que dea explicación da constante perda de axudas doutras institucións que está a ter o Concello de Lugo por unha mala xestión política. O portavoz nacionalista, Rubén Arroxo, explicaba que a intención do grupo sería que declarase a alcaldesa, por ser cuestións que afectan de forma transversal a case todas as áreas, pero a actual normativa só permite solicitar a de algún concelleiro ou concelleira “entendemos que o lóxico sería que comparecese a alcaldesa, mais o regulamento de pleno só contempla a posibilidade de que sexa un concelleiro”. Para o BNG a pinga que colmou o vaso foi a publicación neste pasado venres na páxina web da Xunta de Galiza, na que se pode observar que Lugo é a única cidade galega que non solicitou as axudas para a rehabilitación nas zonas declaradas como ARI. Lugo a día de hoxe conta con 2 zonas nesa situación (o casco histórico e o barrio do Sagrado Corazón), a día de hoxe quedan moitas vivendas por rehabilitar no espazo ARI de Lugo polo que é realmente un paso atrás que non se dispoña desta posibilidade.
Rubén Arroxo lamenta esta mala xestión “o goberno insiste de forma reiterada en que non hai partidas económicas para executar diferentes proxectos, pero cando estas partidas chegan non se solicitan”. O propio concelleiro nacionalista dixo que o goberno municipal “nin ten ningún plan para a rehabilitación dos barrios de Lugo, nin ten ningún interese”, lembrando que no pasado mes de maio o seu grupo levou unha vez máis a unha comisión o tema de declarar o barrio da Milagrosa como ARRU para poder optar a partidas para a rehabilitación dos edificios e recuperar os espazos urbanos, algo que para o BNG é prioritario para poder recuperar o que é o barrio máis poboado da cidade e que na actualidade ten un importante número de edificios en situación de ruína ou pechados “para un barrio como a Milagrosa a única solución de recuperarse é o ARRU, polo que queremos saber cales son as razóns para que o goberno municipal non faga nada para acadalo” dixo Rubén Arroxo, lembrando que naquel momento o propio goberno municipal recoñecía que non se fixeran os trámites adecuados para solicitar dito ARRU.
Dende o BNG lembran que a perda destes fondos se suman á situación que o propio grupo municipal denuncio a pasada semana, coa que o concello tampouco pediu as axudas da biomasa do INEGA para o 2017 e que están en serio risco as de 2016 pola lentitude en executalas, tendo en conta que o 15 de outubro rematan os prazos para xustificalas “Lugo non pode seguir perdendo fondos, precisamos unha mudanza seria na xestión do noso concello”.
