O BNG–Asembleas Abertas avanza que este ano volverá haber problemas para escolarización na zona sur

O BNG–Asembleas Abertas avanza que este ano volverá haber problemas para escolarización na zona sur

IMG_4919Rubén Arroxo lembrou que “presentamos unha moción neste senso no pasado mes de decembro que, parece, foi ignorada por todas as institucións”

A Xunta oferta 50 prazas no CEIP As Mercedes a pesares de que  nestes momentos, o centro, só pode garantiir, por capacidade, 38 en condicións dignas

Lugo, 29 de febreiro de 2016. Rubén Arroxo informou que do 1 ao 20 de marzo ábrese o prazo de solicitude de praza para a escolarización para nenas e nenos de 3 anos e na zona sur de Lugo continuarán os problemas de prazas. Arroxo reclamou “novas prazas e que se faga unha zonificación realista segundo as necesidades da cidade”. O BNG – Asembleas Abertas, a través do seu voceiro no concello de Lugo, denuncia que este ano “de novo estaremos ante unha insuficiente oferta de prazas para esta zona da cidade”.

Arroxo lembrou que o BNG xa presentou unha moción neste senso no pasado mes de decembro que “parece foi ignorada por todas as institucións por que agora estamos, de novo, ante a mesma situación do pasado ano”. Na cidade de Lugo tanto o mapa de escolarización como o número de prazas é o mesmo que o ano pasado, despois, iso sí, de ampliar 25 prazas en Casás e nas Mercedes despois dunha primeira adxudicación. A Xunta oferta 50 prazas no CEIP As Mercedes a pesares de que  nestes momentos, o centro, só pode garantiir, por capacidade, 38 en condicións dignas.

O voceiro do BNG – Asembleas Abertas adiantou que “a partir de hoxe viviremos, de novo, a típica partida de pin-pon entre Concello e Xunta votándose as culpas de falta de cartos, de falta de informes, etc…” e engadiu que ”a estas alturas de curso non se fixo nada do prometido no CEIP das Mercedes”. Arroxo afirmou que “as familias están cansas de que a Xunta diga que un dos seus obxectivos é favorecer a conciliación familiar e laboral e despois dificulte a posibilidade de que o alumnado poida acudir a un centro educativo cerca do seu domicilio o do lugar de traballo das nais e os pais”.

O BNG–Asembleas Abertas avanza que este ano volverá haber problemas para escolarización na zona sur