Rubén Arroxo dixo que ““a peligrosidade desta intersección na que xa se teñen producido varios accidentes de tráfico”

Lugo, 4 de decembro de 2015. O voceiro municipal do BNG – Asembleas Abertas no concello de Lugo anunciou que presentarán unha inciativa dirixida no concello para que se estuden as solucións oportunas para mellorar a seguridade no cruce entre a rúa Angelo Colocci e a rúa Santo Grial. Rubén Arroxo sinalou “a peligrosidade desta intersección na que xa se teñen producido varios accidentes de tráfico”.

Arroxo explicou que “no barrio da Piringalla, na intersección entre a rúa Angelo Colocci e a rúa Santo Grial existe un cruce complexo e onde xa ten habido varias colisións de vehículos, dado que algunhas persoas non teñen clara a preferencia ou non son capaces de percibir a chegada dalgún vehículos por ser un cruce de dúas rúas con dobre sentido”. O voceiro nacionalista sinalou que “isto vese ampliado no horario de saída e entrada dos centros educativos da zona”.