Os nacionalistas lembran que o concello gastou preto de 25.000 euros para pagar a productividade da Policía Local pola protección a Urbaser 

Paz Abraira dixo que “ os lucenses descoñecen se hai algún tipo de proposta firme de desconto do custe dos recibos durante os días de folga” 

Lugo, 17 de setembro 2014. O Bloque Nacionalista Galego presentará unha serie de preguntas para ser tratadas no próxima comisión de medioambiente, así o anunciou a voceira nacionalista Paz Abraira quen sinalou que “para o BNG queda moito que resolver con Urbaser no relativo á folga de limpeza e recollida do lixo”. Segundo dixo Paz Abraira “a sanción de 30.000 € imposta non recolle elementos importantes como o cueste do traballo de protección aos traballadores e medios  de Urbaser por parte da Policía Local durante o periodo de Folga”. Abraira lembrou que somentes para pagar a produtividade da Policía Local o concello destinou unha cantidade próxima aos 25.000 euros.

Dende o BNG preguntou se a sanción imposta á empresa Urbaser por infracción moi grave lle pone fin ao expediente aberto polo concello de Lugo polo incumprimento dos servizos mínimos durante a folga. Os nacionalistas tamén se interesaron por saber se o goberno municipal ten cuantificado o perxuizo económico que lle casou ao concello de Lugo a empresa Urbaser polos incumprimentos do contrato de limpeza e recollida de lixo durante a folga deste verán. Paz Abraira dixo que “ os lucenses descoñecen se hai algún tipo de proposta firme de desconto do custe dos recibos durante os días de folga”.

Abraira lembrou que o BNG presentará no seu momento un rogo á comisión de alcaldía para que se lle descontara á empresa Urbaser os 24.980,24 € que costou a protección policial durante a folga de recollida do lixo. Paz Abraira dixo que “non temos por que pagar a protección a unha empresa que, por riba, estaba a incumprir o contrato que tiña co concello de Lugo”. Para o BNG “este é outro custo máis dos que acarrexou a incompetencia do goberno local para evitar unha folga que non tiña por que producirse”. “A policía local, por mandato do alcalde, o único que  fixo foi protexer os intereses dunha empresa que estaba boicoteando o dereito á folga dos traballadores” afirmou Paz Abraira.

Dende o BNG sinalan que este non é o único custo que tivo, para os veciños e veciñas de Lugo, este conflicto xa que “ademais do importe económico que supón este pago da produtividade, a policía non puido desenvolver o seu traballo con normalidade e atender as demandas da cidadanía xa que foron ocupados nestas tarefas de escolta e na protección do equipo do goberno”. Paz Abraira lembrou que “algún día houbo ata dez policías protexendo o edificio do concello duns traballadores e traballadoras que en todo momento foron pacíficos e respetuosos nas súas protestas”.

Segundo decreto asinado polo alcalde de Lugo, con número 14007481, o concello destinou un total de 24.980,24 € ao pago dun complemento de productividade os membros da Policía Local que realizaron traballos de protección e apoio os equipos de limpeza durante a folga de recollida de lixo. A policía local estivo a realizar traballos de protección e apoio os equipos de limpeza durante a folga.