O asfalto afundiunse arredor dunha tapadeira de rexistro do sistema de canalización e afecta á zona reservado para o aparcado de vehículos

Lugo a 9 de xaneiro de 2014. O grupo do BNG do concello de Lugo presentou un rogo para demandar do goberno municipal que se proceda á eliminación do burato aparecido na rúa Illas Canarias. A aparición deste burato supón, segundo Paz Abraira, “supón un perigo para viandantes e vehículos”. A fochanca está situada na marxe esquerda da vía, a carón da beira rúa, e á altura do número 135 da rúa Illas Canarias. O asfalto afundiunse arredor dunha tapadeira de rexitro do sistema de canalización e afecta á zona reservado para o aparcado de vehículos.

Para o BNG “demóstrase unha vez máis a falta de preocupación do goberno municipal polo mantemento das rúas da cidade”, segundo dixo Paz Abraira, “non é xustificable a desatención a estes asuntos” e engadiu que “para o PSOE semellas que somentes son importantes as grandes obras”. Os nacionalista demandaron o arranxo inmediato e a eliminación deste afundimento para evitar que calquera peón poida sufrir un accidente. Ademais compre coñecer cal é a causa do afundimento para evitar deterioros maiores.