O BNG de Lugo renova o seu Consello Comarcal

O BNG de Lugo renova o seu Consello Comarcal

IMG_5166Unha lista aglutinadora que conxuga xuventude e experiencia conforma o que será a dirección do BNG na comarca de Lugo-Centro

Consolidar ao BNG como o referente das persoas que demandan unha mudanza política para ter un futuro de benestar no noso país será o obxectivo desta nova dirección  

Lugo, 9 de marzo de 2016.O BNG celebrou unha asemblea comarcal na que se aprobou a única candidatura presentada para a renovación dos órganos de dirección comarcais. “Trátase dunha candidatura de consenso na que están representadas distintas sensibilidades que forman parte do BNG” explicou o novo responsábel comarcal Bernardo Valdês. O novo consello comarcal está formado por un total de 25 persoas e, á candidatura, engádense 5 suplentes. O consello comarcal é o órgano de dirección do BNG nos 37 concellos da zona centro de Lugo e terá unha executiva da que forman parte as 9 persoas que encabezan a lista. A estas 25 persoas sumaranse as/os responsábeis locais escollidas/os polas distintas asembleas locais.

O consello comarcal, que foi elixido hoxe na asemblea do BNG eIMG_5158mana “dunha candidatura aglutinadora que conxuga xuventude e experiencia” e terá como principal obxectivo “consolidar ao BNG como o referente das persoas que demandan unha mudanza política para ter un futuro de benestar no noso país”. Bernardo Valdês afirmou que “son tempos difíciles mais o proceso de renovación no que está inmerso o BNG abre unha etapa ilusiónante para o futuro” e engadiu que “hoxe mesmo comezaremos a traballar para o BNG sexa o referente que moita xente está buscando nestes momentos de confusión”. “O BNG ten militancia, organización, e un rumbo claro, por iso estamos certos de que este proxecto político que estamos a construír ten futuro neste país” afirmou o novo responsábel comarcal do BNG.

A executiva comarcal, que será o órgano executivo dentro do consello comarcal, está formado por 5 mulleres e 4 homes. Desta executiva forma parte Esther López, que foi responsábel comarcal ata o día de hoxe. Tanto na executiva como no propio consello comarcal hai representación de moitos dos concellos da comarca nos que houbo unha importante renovación e incorporación de persoas grazas ao proceso de AIMG_5149sembleas Abertas que se deu antes das eleccións municipais.

Sobre as posibles baixas na afiliación da formación nacionalista, o novo responsábel comarcal afirmou que “todas as decisións individuais son respectábeis mais nós seguimos traballando, en positivo, por un BNG no que teñan cabida todas as persoas que lle queiran a este país e que aposten por unha sociedade máis igualitaria e democrática”

 

 

CANDIDATURA AO CONSELLO COMARCAL DO BLOQUE NACIONALISTA GALEGO DA COMARCA DE LUGO-CENTRO

 

1.-        Bernardo Valdês Paços

2.-        Lucía López Sobrado

3.-        Félix Jorquera Caselas

4.-        Esther López Rodríguez

5.-        Efrén Castro Caloto

6.-        Davinia Rubinos Regueiro

7.-        Maite Ferreiro Tallón

8.-        Xesús Méndez Rodríguez

9.-        María Rodríguez Seijas

10.-      Iván Sangiao Darriba

11.-       Digna Lagarón Doval

12.-      Xosé Ferreiro Fernández

13.-      Cosme Eladio Pombo Rodríguez

14.-      Mónica López Rodríguez

15.-      Mario Outeiro Iglesias

16.-      Sabela Pérez Martínez

17.-      Felipe Nieto Pérez

18.-      Rubén Arroxo Fernández

19.-      Paz Abraira Sobrado

20.-      Xoán Manuel Tubío Fernández

21.-      Paula Arias Pérez

22.-      Felipe Rivas Jorge

23.-      Xosé Manuel Becerra Pardo

24.-      Iago Vázquez López

25.-      Xosé Antón Bao Abelleira

 

SUPLENTES

1.-        Maria Abuín Sanfiz

2.-        Afonso Losada Rodríguez

3.-        Montserrat Tubío Fernández

4.-        Antonio Niño Saavedra

5.-        Branca Rodríguez Pazos

O BNG de Lugo renova o seu Consello Comarcal