O BNG PROPÓN QUE SE DESTINE 1 MILLÓN EUROS DOS REMANENTES A ACCIÓN SOCIAL E ACCIÓN ECONÓMICA

BNG de Lugo Centro 23 abr. 2014 - 19:54

bng económica euros millón propón social

Paz Abraira dixo que o BNG non vai entrar na batalla das obras e alusión ás acusacións mutuas entre Orozco e Castiñeira

Os nacionalistas incluen na súa proposta partidas para acción social e económica ademais de investimentos en cultura, medio ambiente, seguridade, participación veciñal e obras no ámbito rural e urbano

Lugo, 23 de abril, 2014. O BNG presentou hoxe a proposta para aplicar os remanentes de tesourería para gastos xerais deste ano 2014. A voceira do BNG, Paz Abraira, explicou que dentro da partida de remanentes hai 3 millóns de euros que se poden invertir en cousas que diferentes ás obras. O BNG aposta por adicar un total de 600.000 euros a programas de acción social e 400.000 a programas de acción económica. Os nacionalistas incluen na súa proposta partidas para acción social e económica ademais de investimentos en cultura, medio ambiente, seguridade, participación veciñal e obras no ámbito rural e urbano

Os nacionalista rexistraron unha proposta na que se incluen, ademais das partidas para servizos sociais, unha partida para axudar a empresas e autónomos, investimentos en seguridade e para a Escola Municipal de Música. Ademais o BNG presenta unha serie de propostas para a realización de obras, fundamentalmente no extraradio da cidade e nas parroquias. Paz Abraira, que calificou de "batalla das obras" os acusacións mutuas entre Orozco e Castiñeira, dixo que o BNG non vai entrar nesa batalla por que a proposta do BNG é para que se adiquen parte dos cartos dos remanentes a quenes máis o necesitan.

En canto aos programas de acción social o BNG reclama un incremento de 140.000 na partida de emerxencia social para o 2014 e a creación dun programa específico eliminación pobreza enerxética que estaría dotado con 100.000 para que non haxa ninguén que pase frio o próximo inverno nin persoas maiores, nin nenos, nin nenas dixo Paz Abraira. Ademais, dende o BNG, propoñen incrementar con 160.000 a partida do programa de alugueiro de vivenda para que todo o mundo poida pagar a súa vivenda.

Paz Abraira explicou a necesidade de dotar con 100.000 un novo programa para o pago de vivenda hipotecada e explicou que esta axuda tería que estar adicada ao pago de intereses dado que a lei indica que sería o único que se pode pagar a través de axudas. Outro programa proposto polos nacionalistas estaría destinado á erradicación pobreza extrema e contaría con 100.000 sería un programa específico elaborado desde os servizos sociais para atender á pobreza extrema e que abordaría aqueles casos que teñen dificultades para entrar noutro tipo de axudas como emerxencia social, programa de alugueiro, etc. Outro programa proposto polo BNG iría dirixido á mellora bolsas de estudo e pago de comedores escolares: 60.000 . É preciso incrementar as bolsas de estudo e garantir que todos os cativos/as escolarizados con dificultades económicas teñan acceso ao comedor escolar de maneira gratuíta sinalou a voceira nacionalista.

Acción económica

Para as propostas do programa de acción económica o BNG solicita unha partida de 500.000 que estaría destinados a unha liña de axudas ao mantemento de actividade para as pequenas empresas e autónomos lucenses con 200.000 e outra liña de axudas ao mantemento da contratación e ao autoemprego dirixido á pequena empresa lucense e aos autónomos/as con 100.000 . Ademais os nacionalistas propoñen outra liña de axuda para rehabilitación e mellora de edificacións fóra da zona monumental dotada con 200.000

Cultura e seguridade

Paz Abraira cargou con dureza contra o goberno municipal por ter utilizado ao alumnado da Escola Municipal de Música para atacar á oposición cando na proposta de orzamentos que o PSOE tiña para o 2014 reducía á metade a partida que a Escola Municipal de Música tiña no ano 2013. A proposta do BNG plantexa unha partida de 67.500 para material e instrumentos escola de música e da banda de música. Respecto a incrementar a seguridade o BNG propón que se adique unha partida de 300.000 para material de sinalización itinerarios escolares seguros, zonas peonís e zona circulación bicicletas. Ademais outra partida de 100.000 estaría destinada á eliminación de barreiras arquitectónicas. O BNG tamén inclúe nas súa proposta a compra da escaleira para os bombeiros da que Paz Abraira afirmou que é necesaria dende fai 10 anos.

Medio ambiente e participación

Paz Abraira dixo que Lugo precisa dunha aposta clara pola compostaxe, como sempre defendeu o BNG e non é suficiente con que o Sr. Luis Lamas veña a Lugo a repartir 20 composteiros por eso o BNG propón unha partida de 200.000 para a implantación dun programa de compostaxe comunitaria e caseira. Outra das partidas reclamadas polo BNG estaría destinada a instalación dun parque infantil cuberto na Milagrosa (80.000 ) e a dotar de mobiliario Praza Agro do Rolo (20.000 ). Paz Abraira pediu tamén que a Deputación aclare se mantén a achega prevista para a creación dunha praia fluvial pública e se non que se inclua unha partida destes remanentes para este fin. Os nacionalista propoñen, unha vez máis, a posta en marcha duns orzamentos participativos reais, nas áreas de infraestruturas, medio ambiente, seguridade víal, cultura, deportes e participación cidadá.

A respecto das obras as propostas dende o BNG son:

- Zona rural: