O CONCELLO TEN QUE ESIXIR ANTE OUTRAS ADMINISTRACIÓNS AS INFRAESTRUTURAS NECESARIAS DIXO ARROXO
O candidato do BNG-Asambleas Abertas dixo que Orozco e Castiñeira agochan a orella ante a Xunta e o goberno do Estado a respecto do plan Paradai, da Estación Intermodal, o edificio da Residencia ou o cuartel de San Fernando
Rubén Arroxo reclamou a construción de carriles de incorporación na N-VI por que é unha obra sinxela, con pouco custe e necesaria para garantir a seguridade da circulación
Lugo, 14 de marzo 2015. Rubén Arroxo dixo que o faremos que o concello se convirta no valedor dos intereses dos lucenses. Para o candidato do BNG-Asambleas Abertas o concello ten que esixir ante outras administracións as infraestruturas necesarias para Lugo e non estar ao servizo dos intereses partidarios de Orozco e Castiñeira. O candidato do BNG-Asambleas Abertas dixo que Orozco e Castiñeira agochan a orella ante a Xunta e o goberno do Estado a respecto do plan Paradai, da Estación Intermodal, o edificio da Residencia ou o cuartel de San Fernando
Arroxo, acompañado de Maite Ferreiro e Cristina Ferreiro, reclamou a construción de carriles de incorporación na N-VI por que é unha obra sinxela, con pouco custe e necesaria para garantir a seguridade da circulación. Rubén Arroxo indicou que é posible facer obras pequenas que lle facilitan a vida á xente e que non teñen un grande custe en engadiu que os candidatos de PP e PSOE van vender fume anu
nciando grandes obras que nunca van executar. Para a candidatura do BNG-Asambleas Abertas construír carriles de incorporación no tramo da N-VI entre a estrada de Santiago e Garabolos é algo absolutamente factible.
Rubén Arroxo lembrou que a deputada do BNG no congreso dos deputados, Rosana Pérez, xa presentou unha iniciativa pedíndolle ao goberno do estado que actúe neste tramo da N-VI e sinalou que esta actuación non require un investimento elevado e sinalou que este é un dos tramos que máis circulación soporta no noso concello. A nosa presenza no concello serve e servirá para mellorar Lugo e facilitarlle a vida á xente. Os nacionalistas instalaron, neste tramo da N-VI diversos cartaces reclamando a mellora desta infraestrutura dependente do goberno do estado.
