Lugo, 19 de outubro de 2017. O voceiro do BNG – AA no concello de Lugo, Rubén Arroxo, sinalou a falta de capacidade do goberno municipal para executar o orzamento do concello. “O BNG-AA concorda na necesidade de amortizar a débeda que o propio PSOE provocou, pero entendemos que a prioridade debería ser cubrir as necesidades dos lucenses” e engadiu “é triste que o maior éxito de este goberno sexa pagarlles aos bancos, mentres que continuamos con moitas carencias na cidade e no rural do concello”.

O voceiro do BNG sinalou que “o PSOE entrégalle os cartos aos bancos por que son incapaces de xestionar o orzamento municipal para mellorar a vida das persoas” e Rubén Arroxo sinalou máis de medio cento de cuestión que están pendentes de resolver no concello:

1. Zona Pública de Baño
2. Rematar a Biblioteca da Piringalla
3. Instalar o ascensor do Sgdo. Corazón
4. Instalar o ascensor de Fontiñas
5. Dar solución ao sistema de regulación de aparcamento na cidade.
6. Crear un aparcamento público na zona do HULA
7. Asfaltado de pistas no rural
8. Crear aparcadoiros disuasorios na cidade
9. Peonalizar o tramo da Mosqueira e o resto da ronda da Muralla
10. Arranxo do parque do Miño
11. Creación de Hortos Urbanos
12. Peonalización do casco histórico
13. Eliminación do tapón urbanístico da Av da Coruña
14. Eliminación do tapón urbanístico situado entre os números 362 e 372 da av. da Coruña.
15. Eliminación do tapón urbanístico situado na rúa dona Urraca.
16. Eliminación dos tapóns urbanísticos situados no barrio de Recatelo.
17. Eliminación do tapón urbanístico situado no carril das Hortas.
18. Eliminación do tapón urbanístico situado da rúa Orquídea.
19. Eliminación do tapón urbanístico situado no camiño de Pipín.
20. Eliminación do tapón urbanístico situado na rúa San Froilán.
21. Mellora do sistema de evacuación de augas pluviais no Ceao.
22. Dotar de persoal os servizos sociais do Concello
23. Dotar de dirección a Banda Municipal de Lugo
24. Dotar de persoal o parque de bombeiros
25. Crear unha Escola Municipal de Teatro
26. Restaurar os Caneiros do Río
27. Remate das obras da praza de Abastos
28. Crear piscinas termais no entorno do Miño
29. Acometer o saneamento no rural
30. Dotar de abastecemento de auga ao rural
31. Poñer en marcha o sistema de préstamo de bicicletas
32. Eliminar os semáforos da ronda da Muralla
33. Converter a Av. da Coruña, no primeiro tramos, en vía unidireccional
34. Eliminar os vertedoiros incontrolados que están por todo o entorno da cidade
35. Arranxar o pozo de tormenta que provoca a contaminación do río Rato na Garaballa
36. Substituír os pavimentos da beirarrúas para mellorar a accesibilidade
37. Acometer o proxecto de excabación do Castro da Piringalla
38. Crear un rocódromo para a práctica da escalada
39. Dar solución á unión do parque Marcos Cela coa zona do río.
40. Facer a rotonda na rúa San Eufrasio
41. Reformular o tráfico en Fontiñas
42. Crear unha zona para a práctica do Skate
43. Colocación de marquesinas nas paradas de bus en diversas zonas da cidade
44. Instalacióin de puntos de luz no Parque Marcos Cela
45. Peonalización da Calzada da Ponte
46. Arranxo do paso baixo a N-VI que une da acceso ao Anxo Carro.
47. Instalación de pasos de peóns elevados nas zonas 30
48. Potabilizadora antiga como Centro de Interpretación do río Miño
49. Antiga depuradora como Centro deportivo e de ocio no medio ambiente
50. Arranxo das rúas da urbanización situada na Fervedoira
51. Substitución do sistema de caldeiras nas instalacións deportivas de Frigsa por enerxía renovables.
52. Eliminación de simboloxía franquista en edificios públicos.
53. Mantemento do mobiliario en todos os barrios