FERREIRO CUALIFICOU DE “NEFASTA” A XESTIÓN DO DEPARTAMENTO DE CULTURA QUE “NON FAI NADA NO AUDITORIO E DE SÚPETO GASTA 61.105 € EN CATRO CONCERTOS A TRAVÉS DE INTERMEDIARIOS”

O BNG-AA preguntará polo gasto de 61.105 € en catro concertos, cando o seu prezo de mercado ronda os 42.000 €

IMG_1067

Para os nacionalistas “non é normal que despois de pagar esta cantidade se poñan prezos nas entradas que impiden que a xente poida disfrutar destes espectáculos”

O BNG-AA preguntará polo gasto de 61.105 € en catro concertos, cando o seu prezo de mercado ronda os 42.000 €

Lugo, 10 de febreiro 2017. A edil do BNG-AA, Maite Ferreiro, anunciou que preguntará na comisión de cultura como se realizou e negociou a contratación de catro concertos por un importe total de 61.105 €. “Parécenos que non é normal que se gaste esta cantidade das arcas públicas para programar concertos que, como no caso de onte, apenas convocan no Auditorio Municipal a un centenar de persoas” dixo Maite Ferreiro que sinalou “é posible que a escasa asistencia de público se deba máis ao elevado prezo das entradas que á calidade dos artistas por iso queremos saber baixo que criterios se programou esta serie de concertos”.

Segundo a información obtida polo BNG-AA “o prezo de mercado destes catro concertos rondaría os 42.000 €”. O concello de Lugo pagará 61.105 € e, segundo Maite Ferreiro, “aínda que nestes prezos esté incluído o prezo dos equipos de son, entendemos que este gasto podería ser asumido dentro da partida que o concello debería ter asignada para os gastos de apertura do Auditorio”. A contratación dos 3 concertos de Marlango, Ariel Rot e Coque Malla fíxose a través de empresas intermediarias e non do único axente que leva a estes artistas “entendemos que esto supón un incremento do gasto ao introducir intermediarios” dixo Maite Ferreiro e “podería supoñer un fraude na contratación por dividirse o gasto do que podería ser un único contrato cun prezo máis reducido”.

Ferreiro cualificou de “nefasta” a xestión do departamento de cultura que “non fai nada no auditorio e de súpeto gasta 61.105 € en catro concertos a través de empresas intermediarias”. A edil do BNG-AA  lembrou que no ano 2016 non se convocaron as axudas de cultura para as asociacións de Lugo que supoñían unha inversión de 24.500 € e agora gástase máis do dobre en catro concertos.

Prezos elevados e baixa asistencia

Maite Ferreiro dixo que “as lucenses pagamos estes concertos dúas veces, e moi caros”. Para a edil do BNG-AA “na situación económica na que se atopan moitas persoas non se poden permitir pagar 18 ou 15 euros para asistir a un concerto e despois de que o concello gaste 61.105 euros non parece acaído que se cobren estas cantidades que fan inviable que moita xente poida asistir”. Ademais Ferreiro indicou “ademais dos prezos elevados, a falta de publicidade e falta de habito entre o público potencial de asistir a concertos no Auditorio de Lugo fai que pouco xente asista aos concertos como se demostrou neste primeiro concerto celebrado onte”.

 

 

Prezo segundo ofertas de mercado

 

Prezo pagado polo concello de Lugo

Ariel Rot

10890

 

15125

Marlango

7260

 

8470

Coque Malla

12100

 

19360

Milladorio

12000

 

18150

 

 

 

 

TOTAL

42250

 

61105

 

Nota: achégase corte de voz e copia das  ofertas destes artistas.

 

O BNG-AA preguntará polo gasto de 61.105 € en catro concertos, cando o seu prezo de mercado ronda os 42.000 €