Lugo, 19 de xaneiro 2017. A edil do BNG-AA, Maite Ferreiro, pediu na Comisión de Queixas e Suxestións co Concello de Lugo que se aclaren varias cuestións relativas ás relacións contractuais entre o concello e a empresa concesionaria do aparcadoiros públicos de Lugo. A edil do BNG sinalou que “unha das cuestións que máis preocupan á maioría das persoas usuarias é a dimensións das prazas de aparcamento”. Maite Ferreiro informou que, na actualidade as prazas teñen menos de 2 metros de ancho e algo menos de 3 metros de largo e moitos coches sobresaen máis de 40 cm da praza de aparcamento.

Ferreiro dixo que “no Decreto 29/2010 da Xunta de Galiza, no que se aproban as normas de habitabilidade de Galiza, estipúlanse unhas medidas mínimas para as prazas de estacionamento de vehículos de 4,70 m de longo x 2,40 metros de ancho”. Maite Ferreiro lembrou que “xa en 1978 o plan de ordenación do concello de Madrid contemplaba unhas medidas mínimas de 2,20 de ancho para as prazas de estacionamento, mentres que as prazas dos aparcadoiros de Lugo as prazas non chegan aos 2 metros de ancho”. Para o BNG – AA compre revisar o contrato para ver as circunstancias que mudaron dende o momento da sinatura deste, xa que a superficie das prazas de aparcamento,neste momento, incumpren a normativa

Ademais a edil do BNG-AA pediu na comisión que se aclare se a empresa adxudicataria eliminou postos de traballo dende que obtivo a concesión municipal e que repercusións legais pode ter “o feito de que os aparcadoiros da pza. do Ferrol e da pza. da Constitución se pechen pola noite, suponlle á empresa unha diminución nas cargas laborais e salariais que incrementa os seus beneficios repercutindo negativamente no servizo que se presta”. “Hai que estudar as condicións nas que foi asinado o contrato por que a empresa eliminou traballadores que cubrían os turnos de noite” dixo Maite Ferreiro dado que “o goberno municipal deberá de defender que as empresas adxudicatarios cumpran cos dereitos laborais dos traballadores e traballadoras empregados nestas adxudicatarias”.

 

Maite Ferreiro referiuse tamén á sensación de perigo para persoas que acoden solas a buscar o coche pola noite e teñen que meterse nun aparcadoiro soterrado non que non hai ninguén. “Na actual situación as mulleres teñen que entrar pola noite en aparcadoiros soterrados, sen vixiancia, dunha cidade na que hai casos de agresións sexuais sen resolver” de Maite Ferreiro. O BNG – AA reclama que toda a información sobre o acceso aos parkings sexa perfectamente visible e rapidamente visible para unha persoa que a altas horas da noite”.