“Dende o BNG condenamos calquera acto violento ou vandálico pero non imos aceptar leccións nin censuras de ninguén e menos do Sr. Jaime Castiñeiras” dixo Antón Bao

Dende o BNG pedironlle ao voceiro do PP que “devolva a parte alícuota do diñeiro fraudulento que, a través do Sr. Bárcenas, ingresaron os cargos do PP”

Lugo, 4 de setembro de 2013. O voceiro do BNG, Antón Bao, saíu ao paso das declaracións do representante do PP no concello de Lugo e dixo que “o PP é o único responsábel da crispación da xente”. Bao pediu que “para evitar a crispación do Sr. Castiñeira o que pode facer é devolver a parte alícuota do diñeiro fraudulento que, a través do Sr. Bárcenas, ingresaron os cargos do PP”. Dende o BNG consideramos que o PP pretende calar e impedir a liberdade de expresión e, polo tanto, impedir o debate político, neste caso no pleno do concello de Lugo. Para Antón Bao “trátase dunha escalada coa que pretende agochar que a crispación esta creando o PP, encabezado en Lugo por Jaime Castiñeiras, atentando continuamente contra a sociedade e contra os traballadores”.

“Dende o BNG condenamos calquera acto violento ou vandálico” afirmou Bao e engadiu que “non imos aceptar leccións nin censuras de ninguén”. Bao recomedoulle a Jaime Castiñeiras que que modere as intervencións dos seus concelleiros por que “non nos van calar a boca e, como dixo o Sr. Castiñeiras hai actitudes políticas que animan determinados comportamentos”. Bao considera que “no PP séntense incómodos no debate  político e ideolóxico democrático e por iso pretenden criminalizar á sociedade para facela calar”.

O PP está estrangulando á xente coas decisións que toma o goberno da Xunta de Galiza e o goberno do estado e agora atópanse enfrente coas persoas paradas, afectadas polas preferentes, afectadas polos impostos ás pensións da emigración, afectadas polos recortes no ensino, no benestar social e na sanidade pública. Antón Bao dixo que “estamos asistindo á elevación do tono neo-franquista por parte do partido popular”. Para o BNG hai actitudes franquistas, que están aflorando no PP, e aireadas polas súas novas xeracións, o alcalde de Baralla, e as súas continuas manifestacións. Todo esto indica que lles gostaría volver a eses tempos.