Arroxo lembrou que a creación da tarxeta cidadá tiña como obxectivo que se puidera utilizar para o pago dos servizos municipais

O aparcadoiros soterrados, a pesares de que están xestionados por unha empresa privada, son de titularidade municipal

Lugo, 28 de marzo de 2016. O BNG – Asembleas Abertas reclamou que se active un sistema para que se poida utilizar a tarxeta cidadá como medio de pago nos aparcadoiros soterrados que son de titularidade municipal. Arroxo citou o que na propia web do concello se explica como utilidades da tarxeta cidadá e literalmente explicita que “progresivamente, o dispositivo gañará versatilidade e sumará novas utilidades”. “Queremos que esta tarxeta sexa útil para as persoas e que se incrementen as posibilidades de uso da mesma” afirmou o voceiro do BNG – Asembleas Abertas.

Arroxo lamentou que cinco anos despois da posta en marcha deste dispositivo a única utilidade práctica sexa o pago do servizo público de transporte “agora xa non ten uso no servizo da ORA e para poucas cousas máis se puido utilizar”. Para o BNG – Asembleas Abertas hai unha serie de cuestións que poden mellorarse para facer que Lugo funcione e que non teñen máis custo para as arcas municipais. O aparcadoiros soterrados, a pesares de que están xestionados por unha empresa privada, son de titularidade municipal

“No que vai de mandato fixemos máis de 100 propostas para contribuír a un mellor funcionamento deste concello e para facilitar a vida das veciñas e veciños e esta é unha máis” sinalou Rubén Arroxo “seguiremos a presentar propostas en positivo para que Lugo sexa un concello do século XXI”.