O BNG – Asembleas Abertas propón que se inicie a revisión do PEPRI

O BNG – Asembleas Abertas propón que se inicie a revisión do PEPRI

IMG_1767“Non actualizar o PEPRI significa condenar o casco histórico a unha enfermidade terminal” dixo Rubén Arroxo

Para os nacionalistas “é fundamental” actualizar este documento para que a cidade “poida seguir viva e con futuro”

Lugo, 19 de outubro 2015. O grupo municipal do BNG – Asembleas Abertas pediralles ao resto dos grupos con representación na corporación que se inicien os traballos e xestións necesarias para actualizar o PEPRI. Segundo Rubén Arroxo “este documento foi redactado fai vinte anos e a día de hoxe precisa dunha actualización”. Arroxo dixo que ““non actualizar o PEPRI significa condenar o casco histórico a unha enfermidade terminal”.

Rubén Arroxo afirmou que “Lugo ten que ser unha cidade aberta á innovación e ao futuro, se perder de vista a protección do noso patrimonio”. O voceiro do BNG – Asembleas Abertas explicou que “con un PEPRI sen actualizar a cidade estase construíndo a cidade á base de modificacións puntuais que en moitos casos, como na confluencia da ronda da Muralla e a Rúa San Roque, perxudica gravemente o desenrolo sostible do urbanismo de Lugo”.

Para o BNG – Asembleas Abertas “hai que abrir, de xeito efectivo, debates que fagan que Lugo avance e que no que se conte coa participación real da xente, dos colectivos e de quen fomos elixidos para representar a veciños e veciñas”. Arroxo referiuse á necesidade de revisar o PEPRI por que “parte de rehabilitación de edificios do casco histórico e do entorno da muralla está paralizada pola falta de actualización do documento”.

Novas propostas para a cidade

Arroxo sinalou que “poder afrontar proxectos novos, como o presentado nesta fin de semana por Lugo – Monumental, esta limitado por un PEPRI que corresponde a outro momento”. O voceiro nacionalista valorou positivamente que “dende o tecido asociativo xurdan novas propostas que poden mellorar considerablemente a vida na cidade e que poden ser perfectamente asumibles” e engadiu que “as forzas políticas temos que estar á altura e artellar sistemas para que as normativas non constrinxa a execución das iniciativas que son boas para Lugo”.

O BNG – Asembleas Abertas propón que se inicie a revisión do PEPRI