Paz Abraira lembrou que “calquera pode ver no seu recibo da auga como o 12% corresponde ao canon imposto pola Xunta que non repercute en ningún beneficio para a xente”

“Son alcaldes do BNG os que abandeiran as reivindicacións xustas contra o taxazo de SOGAMA ou o repago dos medicamentos” afirmou Paz Abraira

Lugo, 11 de marzo, 2014. A voceira do BNG, Paz Abraira, demandou do goberno municipal de Lugo que “recurra a suba de taxas imposta por SOGAMA e que non repercuta nas veciñas e veciños de Lugo a suba dos 700.000 euros que suporá para o noso concello”. A voceira nacionalista lembrou que “a Xunta xa nos está a cobrar o canon da auga ao que se opuxo o BNG no seu día e que agora todos e  todas podemos ver nos nosos recibos”. Abraira, a través dun exemplo concreto explicou que a aplicación deste canon da auga supón aproximadamente un 12% para os domicilios particulares e representa un 4% para os locais de oficina. Abraira que reclamou unha “rebelión” ante as medidas inxustas aplicadas pola Xunta de Galiza e afirmou que “son os concellos do BNG os que lle fan fronte ás imposicións do PP, neste momento o canon de SOGAMA e o repago dos medicamentos que abandeirou Riotorto”.

A voceira nacionalista no concello de Lugo destacou que a suba que SOGMA lle vai aplicar ao concello de Lugo representa uns 700.000 € que “repartido entre os 60.000 recibos que se emiten supón que para usuario se vai incrementar uns 11 euros” e engadiu que “esta suba que non vai supoñer ningunha mellora.para ninguén agás para salvar o resultada de contas das compañías electricas que teñen participación accionarial en SOGAMA”. A suba imposta por SOGAMA, coa conivencia da Xunta de Galiza e do PP, aplicouse de xeito unilateral por parte da empresa, sen contar para nada cos concellos, e incumprense os contratos suscritos entre os entes municipais e a empresa para o tratamento do lixo.

No mesmo momento en que a voceira do BNG de Lugo comparecía en rolda de prensa un bo número de alcaldes e alcaldesas de todo o páis estaban a concentrarse no parlamento galego para demandar a paralización deste “taxazo”. Abraira lembrou que foron moitos os intentos destes concellos, abandeirados polo goberno nacionalista de Monforte, para que non se aplique o “tasazo” de SOGAMA polo tratamento do lixo. Paz Abraira refereiuse ás políticas impositivas do PP e afirmou que “as medidas da Xunta van encamiñadas a lastrar a situación económica de moitas familias e de moitos negocios”.

Alternativas a SOGAMA

A edil nacionalista lembrou que o concello de San Sadurniño, gobernado polo BNG, organizará unhas xornadas para estudar diversas alternativas á xestión de residuos. Unhas alternativas que deben pasar pola redución e pola creación de plantas de tratamento nas distintas zonas xa que “non é normal andar paseando o lixo por todo o país” afirmou Abraira. A edil nacionalista lembrou tamén que “no bipartito no que participou o BNG entre os anos 1999 e 2003 estaba prevista a creación dunha planta de compostaxe para o concello de Lugo, unha planta á que se negou Orozco e que hoxe tería solucionado o problema que se lle plantexa agora ao concello”.

Os cartos da Xunta solo se destinan a SOGAMA. Abraira tamén se referiu á planta de tratamento do Barbanza á que á que se acaba de sumar, o concello de Rianxo, tamén gobernado polo BNG.

O PP, no parlamento galego, rexeita un recurso contra a reforma de Lei de administración local

Paz Abraira referiuse tamén ao rexeitamento do PP á proposta do BNG na que se plantexaba, no parlamento galego, un recurso ante o Constitucional á lei de reforma da administración local. Para o BNG esta reforma da Lei “vulnera a autonomía local e socava o autogoberno de Galiza, é unha lei centralista, centralizadora,  privatizadora ao servizo do austericidio dos servizos públicos que  consolida un modelo de Estado baseado na división provincial e na  homologación de todos os territorios”. A maior parte dos servizos públicos, que agora pasar?n a mans das Deputacións provinciais, “serán privatizados” porque a lei establece que a principal funcións das  administracións públicas é asegurar o proxecto de estabilidade financeira e non a prestación de servizos de calidade á cidadanía.