Esta campaña únese ás numerosas críticas que esta reforma da lei está a recibir “incluso dende dentro do propio PP” dixo Esther López

Aborto Libre e Gratuíto: O Noso Corpo, a Nosa Decisión será o lema desta campaña

Lugo, a 30 de xaneiro de 2014. O BNG de Lugo presentou hoxe a campaña que vai desenvolver contra a reforma da lei do aborto. A responsable comarcal do BNG en Lugo, Esther López, e a responsable da comisión acción feminista do BNG, Mercedes Mourenza, presentaron esta campaña que se desenvolverá baixo o lema: Aborto libre e gratuito, o noso corpo, a nosa decisión. Esta campaña únese ás numerosas críticas que esta reforma da lei está a recibir “incluso dende dentro do propio partido popular” dixo Esther López.

Segundo Esther López afirmou que “o BNG non vai descansar até que o goberno do PP retire a proposta lexislativa con que tenta recortar o dereito que permite a libre interrupción voluntaria do embarazo até a semana 14”. Para os nacionalistas “o Partido Popular continúa a lexislar contra os dereitos das mulleres e propón un marco máis restritivo que o de 1985”. A responsábel comarcal do BNG “eliminou o suposto de aborto en caso de malformación do feto, suprime a lexislación de prazos, só permite a interrupción da gravidez en caso de violación ou de risco para a saúde da nai e, aínda así, dificulta as condicións”.

Mercedes Mourenza, na súa calidade de reponsábel da comisión de acción feminista do BNG, sinalou que “o goberno do PP pretende eliminar a capacidade das mulleres para decidir”. Se esta reforma da lei chega a entrar en vigor so os médicos ou os xuíces estarán capacitados para decidir sobre o embarazo dunha muller. Ademais só as mulleres con maiores recursos poderán acceder a abortos seguros, ao poderen pagar viaxe, clínica e aloxamento fóra. Entre 1974 e 1986 foron 220.000 mulleres as que viaxaron a Holanda ou Inglaterra para interromperen o seu embarazo. “É claro que a prohibición do aborto só conduce á clandestinidade” afirmou Mourenza.

As representantes do BNG lembraron que o PP eliminou toda a información e a educación sexual e reprodutiva. Están a pecharse os centros de información e educación sexual para a mocidade -Centros Quérote-. Eliminouse a pílula do día despois dos centros de saúde e suprime o financiamento dos anticonceptivos de última xeración. Ante esta nova agresión contra os dereitos básicos das mulleres, que o PP leva deseñando e executando na Galiza a través de numerosas trabas para exercer este dereito na sanidade pública, desde o BNG, para avanzar cara á igualdade social e á conquista dos dereitos colectivos, exiximos que os hospitais públicos galegos atendan a demanda existente de realización de interrupcións voluntarias de embarazo para garantir