Ademais de manter a súa posición sobre as imputacións do alcalde súmase, ás razóns do BNG, o que está sucendendo a respecto da folga dos traballadores de Urbaser

“Lavado de cara por un lado e polo outro” así definiu Paz Abraira a postura de PP e PSOE neste momento a respecto do amaño para os remanentes

Paz Abraira criticou a quenes califican de “privilexiados” a estes traballadores que “recollen a nosa merda”

Lugo, 11 de xuño 2014. O Bloque Nacionalista Galego non se sentará a negociar co PP e co PSOE este venres. Tras recibir unha convocatoria de xuntanza para tratar o destino dos remanentes dos orzamentos para este venres A voceira do BNG no concello de Lugo, Paz Abraira, anunciou que o BNG non se sentará a negociar con PP e PSOE. Abraira dixo que "tanto Orozco como Jaime Castiñeiras están a facer un lavado de cara anunciando investimentos irrisorios en servizos sociais". Paz Abraira lembrou que o BNG foi a única forza que fixo unha proposta para investir os remanentes fai máis de dous meses e pediu, reiteradamente, transparencia dos acordos entre PP e PSOE. Paz Abraira cargou contra López Orozco tras o despido dos traballadores de Urbaser. Uns despidos que foron motivados polo decreto, por parte do alcalde, duns servizos mínimos do 100 % e polas reformas laborais acometidas polo PSOE e polo PP.

Abraira explicou as razóns que levaron ao goberno municipal a convocar ao BNG para participar nunha xuntanza este venres para tratar o destino dos remanentes. Segundo Abraira na última comisión de contas o BNG presenotou de novo a súa proposta para aplicar os remanentes. Nesa comisión o representante do PP dixo que o BNG fora convocado, mais non era certo. A concelleira de economía comprometeuse, nesa xuntanza, a convocar ao BNG para a próxima. “Esa é razón para o que BNG esté convocado” explicou Paz Abraira.

A día de hoxe a única forza política que presentou, xa fai máis de dous meses, a súa proposta para os remanentes é o BNG. “Nin os cidadáns, nin o BNG coñecemos cal é o acordo que están negociando PP e PSOE” dixo a voceira nacionalista para quen o PP e o PSOE “son dúas forzas porlíticas xemelgas”. Abraira aclarou que o BNG xa dixo no seu momento que non se ía sentar a negociar co PSOE mentres López Orozco siga sendo alcalde pola súa implicación na trama Pokemon. A do BNG é a única proposta feita pública dende o 23 de abril de 2014. Paz Abraira lembrou que “houbo demandas insistentes do BNG por coñecer as propostas do PP e PSOE que se negaron a facer pública en ningún momento”.

O lavado de cara co incremento nas partidas sociais

“Onte, sorpredentemente, xunto a convocatoria que nos remite a concelleira de economía tamén remite información sobre un decreto no que se fan pequenas modificacións para incrementar partidas de caracter social” sinalou Paz Abraira. “A realidade é que os remanentes se van destinar a obras” afirmou Abrira. A nacionalista engadiu que “non van silenciar ao BNG destinando 100 mil euros a emerxencia social e 60 mil ao programa de alugueiro”. Para o BNG non son esas as partidas que necesita Lugo, non son suficientes as cantidades nin as que necesitan as persoas que están a sufrir os efectos desta crise. O BNG propuxo un investimento en acción social de 600 mil euros. Algo que ningunha forza política está poñendo hoxe enriba da mesa. “Lavado de cara por un lado e polo outro” así definiu Paz Abraira a postura de PP e PSOE neste momento a respecto do amaño para os remanentes

PP e PSOE partidos xemelgos

“Durante a campaña ás eleccións europeas PP e PSOE calaron sobre o seu amaño cos remanentes por que non lles interesaba aparecer collidos da man. O mesmo sucede agora por que a respecto da monarquía teñen exactamente a mesma postura” dixo Paz Abraira que tamán se referiu ao voceiro do PP “Jaime Castiñeira hoxe fai o paripé de decir que non lle parece axeitado facer por decreto a modificación de partidas para servizos sociais”.

URBASER

Ao BNG xúrdelle outra razón máis para non sentarse a negociar absolutamente nada co PSOE. “O partido socialista, que se chama obreiro, decreta uns servizos mínimos para a zona onde se celebra a súa festa estrela do 100%” con este decreto, dixo Paz Abraira, “o PSOE négalles aos traballadores de Urbaser o seu dereito á folga”. A empresa respondeu co despidemento de traballadores e traballadoras. “Despidos que parece que a Orozco non lle preocupa e o único que lle preocupa é facer a súa actuación grandilocuente” afirmou a voceira do BNG que engadiu que “o BNG non se vai sentar con dúas forzas políticas que coas súas reformas, primeiro uns e despois outros, levaron aos traballadores á situación na que se atopan”.

Críticas aos traballadores en folga

Paz Abraira criticou a quenes califican de “privilexiados” a estes traballadores que “recollen a nosa merda”. “Ningún traballadora nin traballadora fai folga por que si” xa que, explicou Paz Abraira, “se están en folga non cobran o seu salario e ten un efecto real sobre as súas vidas”. “Estas persoas dedícanse a retirar o lixo que todos producimos traballando para unha empresa á que o concello lle págalle puntualmente incluso o incremento do IPC”. Abraira defendeu os dereitos laborais dos traballadores e dixo que “non temos que aceptar por decreto a precariedade laboral á que nos están somentendo. Podemos reclamar os incrementos que nos correspondan para poder afrontar as subidas de prezo para vivir dignamente”.