“É ridiculo que o PP lle asigne ás obras do Plan Paradai un orzamento de 300.000 € para este ano”

“Un incumprimento flagrante que vai con 10 anos de retraso que afecta ás Gándaras, ao Sagrado Corazón, a Parai, ao Ceao, ao HULA e ao acceso á cidade”

Lugo, a 6 de febreiro de 2013. O deputado do BNG no Parlamento Galego, Cosme Pombo, presentou unha emenda parcial aos orzamentos da Xunta que se incremente a partida designada para o Plan Paradai. O BNG solicita na súa emenda un incremento de dous millóns de euros para as obras paralizadas de Paradai. Segundo Cosme Pombo o Goberno Galego somentes ten previsto asignar, neste ano, 300.000 euros “que resultan insuficientes para executar estas obras tan necesarias para a cidade”. Para o BNG “poñer unha partida de 300.000 euros cando sabemos que estamos falando dun orzamento de máis de 3 millóns de euros para executar as obras que faltan e de máis de 9 millóns de euros no conxunto do Plan Paradai”.

A proposta que presentou o Goberno Galego de modificación do convenio é inasumible para a cidade de Lugo. Non se poden eliminar dúas das obras prioritarias e executar únicamente unhas obras que deixarían sen solucionar o problema dos accesos á cidade. Esta paralización nas obras do Plan Padai supón “un incumprimento flagrante que vai con 10 anos de retraso que afecta ás Gándaras, ao Sagrado Corazón, a Parai, ao Ceao, ao HULA e ao acceso á cidade”. Na visita á zona de Paradai a concelleira Paz Abraira sinalou que “a falta de investimento para rematar estas obras supón un problema para o futuro de Lugo se queremos que se desenvolva dun xeito armónico e sostible por que para esto os barrios teñen que estar comunicados en boas condicións”. Para os nacionalistas “os retrasos intencionados da Xunta non son máis que unha dilación para deixar a Lugo abandoado e non cumprir os compromisos”.