Concello, Deputación e Xunta deben arranxar todos os asuntos burocráticos para construir que os lucenses poidan disfrutar neste verán dunha praia fluvial pública

O BNG reclamou esta instalación no ano 2009 e a Deputación comprometeu a súa financiación no ano 2011

Lugo, 23 de maio de 2013. O BNG considera que o concello abandonou o proxecto da praia fluvial e reclama a construción inmediata desta instalación para que os lucenses poidan desfrutar dela durante este verán. A edil nacionalista Paz Abraira lembrou que o BNG presentara unha moción sobre este asunto na primavera do ano 2009 e que en marzo do ano 2011 a Deputación elaborou un proxecto e destinou un partida económica, próxima aos 500 mil euros, para efectivizar esta demanda dos lucenses.

Paz Abraira sinalou que “neste momento son moitos os lucenses que, debido á crise, non  se poderán desprazar durante o seu periodo vacacional e máis que nunca é preciso unha axeitar unha zona de baño para que toda a cidadanía poida disfrutar dela”. O BNG considera inadecuada a actuación do concello de Lugo que “abandonou o proxecto non se preocupan en absoluto do tema”. Abraira engadiu que “sabemos que son necesarios unha serie de informes e o Concello, a Deputación e a Xunta deben buscar unha solución para que os lucenses dispoñan dunha praia fluvial pública”.

Paz Abraira lembrou que a Deputación xa tiña un elaborado un proxecto para a creación desta praia fluvial e neste momento a execución da obra está pendente da elaboración dos informes preceptivos. Abraira pediu que a Deputación, o Concello e á Xunta solucionen os trámites burocráticos necesarios para que os lucenses poidan disfrutar este verán da praia fluvial pública.

O proxecto contempla a construción de 4 pantaláns accesibles para minusválidos e dunha zona de baño infantil. A zona de baño pública no río Miño estaría situada, segundo o proxecto elaborado pola Deputación no ano 2011, a carón da área recreativa dos Robles. Esta instalación estaría constituida por catro pantaláns, todos eles accesibles para minusválidos, tres situados xunto á zona dos Robles, e un máis pequeno a carón da nova pasarela do río Miño. Segundo o proxecto incial un deses pantaláns adecuaríase para que conte cunha zona de baño infantil, reducíndose no propio interior a superficie sumerxida, que sería duns 50 centímetros.