PP e PSOE seguen a ocultarlles a os lucenses unha proposta que aprobarán no pleno do luns para o uso dun total de 13 millóns de euros procedentes  dos remanentes 

“PP e PSOE siguen empeñados en facer obras e deixar desatendidas ás persoas que máis o necesitan” dixo Paz Abraira

Lugo, 29 de maio 2014. A falta de 4 días para a celebración do pleno no que se aprobará o destino de máis de 13 millóns de euros das arcas municipais, a voceira do BNG no concello de Lugo, Paz Abraira, advertiu que se descoñece “cal é o amaño entre o PP e o PSOE para invetir os fondos dos remanentes”. “Está claro que os cidadáns piden outra maniera de facer política” dixo Paz Abraira e engadiu que “PP e PSOE siguen empeñados en facer obras e deixar desatendidas ás persoas que máis o necesitan”.

Ante o silenzo que gardan PP e PSOE sobre a proposta que levarán o luns ao pleno o BNG presentou de novo a súa proposta para o gasto dos 13 millóns de euros de remanentes na comisión de contas celebrada hoxe no concello de Lugo. “Non pode ser que haxa veciños e veciñas de Lugo que perdan a súa vivenda por non poder pagar a súa hipoteca, non pode ser que haxa xente que non teña casas por non ter cartos para pagar o alugueiro, ningún neno nin nena pode ir ao colexo se nunha boa alimentación” dixo Paz Abraira e “para  eso deben destinarse eses 13 millóns de euros que ten o conccello” engadiu.

A voceira nacionalista afirmou que “o PP e o PSOE están interesados unicamente en falar de obras mentres que as necesidades dos veciños e veciñas son outras e desas outra prioridades son das que vai falar o BNG no concello de Lugo e nos restantes concellos”. Paz Abraira dixo que “os cidadáns descoñecen os acordos ocultos de Orozco e Castiñeira”.

Abraira afirmou que o “o BNG foi a única forza que remitiu unha proposta a través do rexistro do concello aos outros grupos e a todos os veciños e veciñas de Lugo a través dos medios de comunicación”.  Mentres tanto, engadiu Paz Abraira “os termos do acordo entre PP e PSOE seguen a ser descoñecidos”. O BNG, na súa proposta, destinaba unha parte moi significativa dos 13 millóns de euros para servizos sociais e para atender as necesidades da xente.