O BNG presentou, como ven facendo periodicamente, unha pregunta na comisión de Medio Ambiente sobre as xestións do goberno municipal para a creación da zona de baño no río Miño

Abraira acusou a Orozco e a Besteiro de “enganar aos lucenses coa zona de baño e de defraudalos permitindo a instalación da gasolineira de Carrefour”

Lugo, 27 de xaneiro de 2015. A voceira do BNG no Concello de Lugo, Paz Abraira, reiterou hoxe que o BNG vai seguir presionando ao Concello de Lugo para que se poñan a traballar na creación dunha zona pública de baño no Río Miño. Logo da celebración da Comisión de Medioambiente de onte, onde os nacionalistas levan meses preguntando polas xestións realizadas, a voceira do BNG volveu constatar a parálise do concelleiro socialista Luis Álvarez e do alcalde Orozco nas xestións necesarias para que esta demanda sexa unha realidade no verán de 2015.

Paz Abraira afirmou que “para o BNG a actitude que estan a manter os socialistas é absolutamente inxustificable. Non é de recibo que de maneira reiterada as respostas sexan que non hai ningún  avance”. Para a voceira do BNG “o que non hai é ningunha capacidade para sacar adiante ningunha inicativa necesaria para este concello”. “O BNG non vai desistir e vai a seguir presionando para que Lugo conte este verán cunha praia pública de baño” afirmou Abraira.

Para o BNG trátase dun desprezo dos gobernos da Deputación e do Concello de Lugo cara os veciños e veciñas de Lugo. Para Paz Abrarira dixo que “Orozco e Besteiro, que tanto presumen de darlles participación aos lucenses, engananos coa zona de baño e defraudanos permitindo a instalación da gasolineira en Carrefour”.