Rubén Arroxo sinalou que “a campaña será feita coas aportacións e o traballo da militancia do BNG e das persoas simpatizantes”

O candidato do BNG-Asambleas Abertas aclarou que “no faremos utilización de cartos públicos para os envios de publicidade aos domicilios”

Lugo, 7 de maio 2015. Rubén Arroxo anunciou que “o BNG – Asambleas Abertas inicia hoxe unha campaña “modesta e imaxinativa” e engadiu que “imos facela con moi pouco gasto económico e moita ilusión”. O candidato do BNG – Asambleas Abertas sinalou que “non faremos utilización de cartos públicos para os envios de publicidade aos domicilios e que a campaña será financiada cos fondos do BNG e coas aportacións económicas dos seus militantes”. Arroxo aclarou que “nós somos os únicos que renunciamos á subvención para pagar o mailing, aforrando miles de € de cartos públicos”

Arroxo agradeceu a implicación de todas as persoas que está a traballar e traballarán durante a toda a campaña para “levar adiante un proxecto colectivo que é fundamental para que Lugo funcione”. “No BNG-Asamblea Abertas imos facer unha Campaña modesta pero imaxinativa” dixo Arroxo, quen engadiu que “na cidade faremos a campaña a pé e en bicicletas, será unha campaña sostible”.

Rubén Arroxo colaborou, na xornada de hoxe, na preparación de material de campaña cun grupo de militantes e simpatizantes. O BNG - Asamblea Abertas estableceu unha fórmula denominada como “formigueiros” para incorporar a colaboración de todas as persoas que queiran colaborar activamente nesta campaña. Os formigueiros do BNG - Asamblea Abertas estarán adicados a facer todo o traballo de intendencia e difusión para a campaña electoral.