“A información que recibimos sobre os orzamentos está lonxe dos intereses dos lucenses” dixo Arroxo

“A información que recibimos sobre os orzamentos está lonxe dos intereses dos lucenses” dixo Arroxo

IMG_1827O voceiro do BNG – Asembleas Abertas informou que “trasladaremos a proposta á asemblea local cando teñamos a información completa”

Arroxo sinalou que “no que vimos ata o de agora non hai intención de avanzar na remunicipalización de servizos”

Lugo, 14 de xaneiro de 2016. O BNG – Asembleas Abertas aínda non recibiu toda a información necesaria para avaliar o proxecto de orzamentos do goberno municipal e Rubén Arroxo indicou que “a información que recibimos sobre os orzamentos, ata o de agora, está lonxe dos intereses dos lucenses e dos obxectivos que nos defendemos para este concello”. Arroxo sinalou que “xa lembramos en varias ocasións que o PSOE non cumpriu os compromisos que adquiriu con nós para que apoiaramos a investidura da alcaldesa e esto, evidentemente, vai condicionar o apoio aos orzamentos”.

O voceiro do BNG – Asembleas Abertas informou que “trasladaremos a proposta á asemblea local cando teñamos a información completa”. Arroxo dixo que “nós presentámonos co nome de BNG – Asembleas Abertas e será nunha asemblea aberta onde se decida o apoio, ou non, ao proxecto de orzamentos que nos presente o PSOE” e engadiu que “é evidente que temos que ser coñecedores de todos os datos para trasladar a información”.

Arroxo sinalou que “no que vimos ata o de agora non hai intención de avanzar na remunicipalización de servizos” e explicou que “algo que puidemos ver, na pouca información que recibimos, é que hai unha rebaixa no capítulo de persoal e un incremento nas partidas adicadas a pagar servizos externos e isto quere dicir que o PSOE non está disposto a seguir afondando na remunicipalización dos servizos municipais”.

“A información que recibimos sobre os orzamentos está lonxe dos intereses dos lucenses” dixo Arroxo