O voceiro do BNG-AA afirmou que “as obras da ronda da Muralla deberían ter como finalidade avanzar cara a peonalización e a eliminación do tráfico rodado”

Iniciar a peonalización da ronda da Muralla foi unha das 72 propostas que os nacionalistas lle achegaron ao goberno municipal para incluír nos orzamentos de 2016

Lugo, 29 de marzo de 2016. O voceiro do BNG – Asembleas Abertas no concello de Lugo, Rubén Arroxo afirmou que “as obras da ronda da Muralla deberían ter como finalidade avanzar cara a peonalización e a eliminación do tráfico rodado”. Arroxo indicou que “o goberno municipal terá que traballar en establecer itinerarios alternativos para evitar atascos na propia ronda da Muralla e nas arterias principais como a Av da Coruña” e engadiu que afirmou que “as obras da ronda da Muralla deberían ter como finalidade avanzar cara a peonalización e a eliminación do tráfico rodado”

Iniciar a peonalización da ronda da Muralla foi unha das 72 propostas que os nacionalistas lle achegaron ao goberno municipal para incluír nos orzamentos de 2016. Rubén Arroxo indicou que “é unha oportunidade para demostrar, unha vez máis, que Lugo non precisa ter a muralla rodeada por vehículos de xeito continuo”. O BNG – Asembleas Abertas aposta por avanzar en liberar á muralla do tráfico de vehículos a motor. É outra oportunidade que ten o goberno municipal para amosar o seu compromiso por poñer, verdadeiramente, en valor a Lugo ao seu monumento máis emblemático.

O voceiro do BNG – Asambleas Abertas dixo que “poucas cidades europeas se permiten ter un monumento. Patrimonio da Humanidade, de 2.000 anos de antigüidade rodeado por vehículos a motor”. Para o BNG – Asambleas abertas “o proceso de peonalización ten que ser un proxecto de cidade no que todas e todos estemos implicados e apostemos con valentía polo futuro de Lugo”. Arroxo afirmou que “o goberno municipal ten a oportunidade de amosar o seu compromiso co avance na humanización efectiva da cidade” e engadiu que “non se debería perder esta oportunidade para comprobar, unha vez máis, como é posible que a ronda da Muralla sen converta nun espazo para as persoas”.