CRISTINA LÓPEZ DESTACOU "O IMPORTANTE PAPEL DE TODAS ESTAS MULLERES, QUE AXUDARON A CONVERTER A PRAZA DE ABASTOS E O MERCADO MUNICIPAL EN ESPAZOS DE REFERENCIA PARA LUGO"

A área de Participación celebra o día da Muller Rural cunha homenaxe ás mulleres do Mercado Tradicional

Cristina López destacou "o importante papel de todas estas mulleres, que axudaron a converter a Praza de Abastos e o Mercado Municipal en espazos de referencia para Lugo"

O Tenente Alcalde, Rubén Arroxo e a concelleira de Participación participaron no acto de homenaxe ás mulleres que forman parte do rexistro do Mercado Tradicional

A área de Participación celebra o día da Muller Rural cunha homenaxe ás mulleres do Mercado Tradicional

 

Lugo, 15 de outubro de 2024. O Tenente Alcalde do Concello de Lugo, Rubén Arroxo e a concelleira de Participación e Servizos para a Veciñanza, Cristina López realizaron un recoñecemento a todas as mulleres que forman parte do rexistro do Mercado Tradicional. López destacou "o importante papel de todas estas mulleres ao longo dos anos, contribuíndo a que a Praza e o Mercado sexan actualmente espazos cunha especial importancia para as veciñas e veciños de Lugo".

A área de Participación recoñeceu a labor de todas as mulleres que se achegan ao mercado tradicional, "que está integrado practicamente só por mulleres, e que permite desfrutar de productos naturais e de proximidade"

O Mercado Tradicional celebrarase no soto da Praza de Abastos nas mañás dos martes e dos venres, entre as 8:30 e as 14:30 horas. Os produtos que se venden neste mercado son os propios da colleita, engadíndose á oferta de produtos de primeira calidade que se poden atopar na Praza e no Mercado  de Lugo.

 

Día da Muller Rural

A celebración do Día da Muller Rural realízase desde o 2007 o 15 de outubro. A Asemblea Xeral da ONU puxo como obxectivo desta data o recoñecemento da muller rural pola súa contribución no desenvolvemento rural e agrícola, a erradicación da pobreza e a mellora na seguridade alimentaria.

Na declaración inicial, chámase aos estados membros da ONU a mellorar a condición das mulleres do rural, prestando atención ás súas necesidades e pide empoderalas no eido social, económico e político.

 

A área de Participación celebra o día da Muller Rural cunha homenaxe ás mulleres do Mercado Tradicional