Castro de Rei, 06 de febreiro de 2025.- O Bloque Nacionalista Galego en Castro de Rei a través das súas deputadas no Parlamento Galego leva varios anos presentado como emenda aos orzamentos da Xunta de Galiza a mellora da captación, decantación, depuración e subministro da auga neste concello.

"Chámamos moito a atención que agora o Sr. Balado saía dicindo que vai pedir esas axudas á Xunta de Galiza, ou sexa a mesma proposta que o BNG xa presentou e rexeitaron", expón a concelleira nacionalista.

A incapacidade do alcalde de Castro de Rei non ten límite, sempre estivo na súa man poder solucionar este problema que se repite cada vez que chove, e non é admisible que se lle bote a culpa ás ganderías que están a facer de Castro de Rei un referente no sector agrogandeiro do País.

"Dende o BNG sabemos que con traballo e dedicación se pode solucionar o problema da auga porque nos consta que noutros concellos, onde por certo goberna o BNG, e as zonas de captación tamén son inundabeis, se conseguiu dar un servizo de calidade na subministración da auga", concluíu Garcia.