O voceiro do BNG – Asembleas Abertas mantivo unha xuntanza con representantes das forzas sindicais para presentarlle a iniciativa que mañá se tratará no pleno do concello

Arroxo sinalou que “o Tratado Transatlántico de Comercio e Inversións entre a Unión Europea e Estados Unidos supón a práctica eliminación dos dereitos laborais”

Lugo, 27 de xaneiro de 2016. “Lugo será o primeiro concello galego declarado como libre do TTIP” dixo Rubén Arroxo que agarda o apoio de todas as forzas da corporación para sacar adiante este acordo. O BNG – Asembleas Abertas levará ao pleno do concello de Lugo unha iniciativa para que a corporación municipal se sume a declarar a Lugo como concello contrario ao Tratado Transatlántico de Comercio e Inversións entre a Unión Europea e Estados Unidos. A proposición impulsada polo BNG – Asembleas Abertas argumenta “manifestar a  oposición ao TTIP en defensa dos servizos públicos básicos para a solidaridade e para buscar a igualdade".

O voceiro do BNG – Asembleas Abertas mantivo unha xuntanza con representantes das forzas sindicais para presentarlle a iniciativa que mañá se tratará no pleno do concello. Arroxo sinalou que “o Tratado Transatlántico de Comercio e Inversións entre a Unión Europea e Estados Unidos supón a práctica eliminación dos dereitos laborais” e indicou que “temos acadar  un acordo institucional, para que a educación, a sanidade, os servizos sociais e os subministros queden á marxe dun tratado como o TTIP”. Ademáis, a través desta iniciativa comprometerémonos a promover a información e o debate sobre a cuestión entorno ás persoas, incidindo nas consecuencias que a aplicación deste tratado poida ter sobre Lugo e sobre Galiza.

Agora mesmo vólvese abrir o debate e un arrase dos poucos dereitos laborais que aínda temos e a desaparición dos nosos sectores produtivos. Arroxo dixo que “non se está trasladando información á xente sobre as consecuencias deste tratado por que non queren que nos enteremos do dano que nos vai facer un acordo pensado para facer aos ricos máis ricos e aos pobre máis pobres”. Arroxo criticou un tratado "que conculca a soberanía democrática en beneficio de intereses económicos" .