Lugo, 08 de xaneiro de 2025.  A edil de Participación e Servizos para a Veciñanza, Cristina López, presentou o calendario de 2025 editado pola área de Participación e elaborado con imaxes pertencentes aos fondos do Arquivo Municipal. Este ano, baixo o título a terra entre as mans, recóllense imaxes e documentos históricos relacionados con distintas parroquias de Lugo.

A concelleira de Participación afirmou que "dado o éxito das pasadas edicións deste calendario, mantemos o noso compromiso con este proxecto para dar visibilidade á historia do rural de Lugo".

López quixo facer especial fincapé "no papel dos nosos antepasados e da súa importante labor que continúa a chegar ata o presente, todo en parte grazas á información que poden proporcionar as imaxes antigas sobre a vida cotiá, as tradicións e a cultura doutras épocas".

Todas as persoas interesadas poden recoller o seu calendario retirarse nas oficinas da área de Participación.