Lugo, 15 de marzo de 2025. A edil de Educación e difusión do Coñecemento, Iria Buide, anunciou a apertura do prazo de matrícula nas Escolas Infantís Municipais, que permanecerá aberto ata o vindeiro martes 8 de abril nas 4 escolas (Luís Soto Menor, María Wonenburger, Gregorio Sanz e Serra de Outes)

Buide anunciou unha xornada de portas abertas nas escolas "para que as familias que o desexen poidan coñecer os espazos antes de presentar a súa solicitude de praza", explicou. O martes día 18 entre as 17:00 e 19:00 abrirán as escolas Luís Soto Menor, María Wonenburger e Serra de Outes. No caso da escola infantil Gregorio Sanz, esta xornada terá lugar o martes 25 entre as 17:00 e as 19:00.

As familias interesadas poden presentar as súas solicitudes ata o vindeiro 8 de abril, a través da sede electrónica ou no rexistro presencial do Concello de Lugo.

A información do procedemento pode consultarse no, no Taboleiro de Anuncios do Concello de Lugo, nas Escolas Infantís Municipais e nas oficinas da Concellería de Educación, e inclúese a gratuidade da atención educativa para todas as nenas e nenos.

Poderase encontrar o formulario de solicitude, o cadro de baremo así como a documentación que se deberá achegar na páxina web do Concello. https://concellodelugo.gal/gl/actuacions/escolas-infantis-municipais

Os requisitos para solicitar praza son que a nena ou neno e a persoa solicitante estean empadroadas no Concello de Lugo, e a idade da nena ou neno ten estar entre 3 meses (á data de ingreso na Escola) e 3 anos (idade máxima ao 31 de decembro deste ano).