Lugo, 09 de abril de 2025. O Pazo de Feiras e Congresos de Lugo será o escenario dende hoxe e ata o día 10 de abril, da II Feira de Educación, Formación e Emprego, unha cita que Rubén Arroxo definiu como clave e "que vai marcar o futuro de moitas rapazas e rapaces da cidade que están a piques de iniciar a súa etapa de formación superior" .

A II Feira de Educación, Formación e Emprego abrirá as súas portas ambos días en horario de 9.00 a 14.00 horas e de 16.00 a 19.00 horas. A feira, que chega á súa segunda edición co apoio da Fundación de Feiras e Exposicións de Lugo, prevé recibir máis de 6.000 visitantes ao longo das dúas xornadas.

O evento contará coa participación de 23 centros educativos galegos, ademais dun posto específico de Formación Profesional e outro dedicado a programas creativos ademáis, terán cabida diversa ofertas educativas e profesionais. Tamén estarán presentes as tres universidades galegas, xunto con outras institucións académicas a nivel nacional.

O evento forma parte do novo calendario de feiras Galicia Educa, impulsado pola Consellería de Educación, Ciencia, Universidades e Formación Profesional. Contará coa colaboración do Excmo Concello de Lugo na edición a celebrar a partir de hoxe no  Pazo de Feiras e Congresos de Lugo.