“Agora que o goberno central quere sacar a Franco de `El Valle de los Caidos´ que comece dando exemplo e retire a simboloxía franquista dos seus edificios” dixo Rubén Arroxo
“Crearíase unha rede de tres aparcadoiros públicos en diferentes puntos da Ronda que beneficiarían o comercio e o acceso ao casco histórico” afirmou Arroxo
“Estamos a falar de 4 ou 5 puntos da cidade moi concretos nos que se repite sempre esta situación, polo que o que se precisa é unha serie de intervencións moi específicas”
Lugo, 29 de xuño de 2018. O BNG lamentou que Lugo volva quedar fóra das axudas que se están a dar dende o INEGA a respecto das enerxías renovables.
O BNG busca que Lugo se sume á proposta que o Concello de Pontevedra lle transmitiu á FEGAMP
“Non queremos que ao noso Concello se poidan achegar este tipo de individuos que se dedican a abusar e incluso a violar mulleres” afirmou Maite Ferreiro
Lugo, 26 de xuño de 2018. O BNG de Lugo súmase á iniciativa do Concello de Pontevedra e levará ao vindeiro pleno municipal unha declaración institucional na que busca o apoio do resto de grupos para declarar aos membros da Manada como “persoas non gratas” no noso municipio. Este luns o Concello de Pontevedra trasladaba esta proposta á Federación Galega de Municipios e Provincias co fin de que todas as localidades levasen adiante esta declaración. A concelleira nacionalista, Maite Ferreiro, trasladou ao resto de grupos esta proposta facendo fincapé na necesidade de amosar un rexeitamento contundente dende as institucións a este tipo de actitudes machistas “non queremos que ao noso Concello se poidan achegar este tipo de individuos que se dedican a abusar e incluso a violar mulleres” afirmou a edil, lamentando que a xustiza deixe na rúa a unhas persoas que son claramente reincidentes e sen cumprir a súa pena.
O BNG denuncia novamente a falta de interese do goberno municipal polo bus urbano
“O bus non funciona e a alcaldesa mira para outro lado” afirmou Rubén Arroxo
Lugo, 25 de xuño de 2018. O BNG volve denunciar a falta de interese do goberno municipal a respecto do transporte público, ao igual que os incumprimentos con Lugo. Este 26 de xuño cúmprese un ano dende que, segundo o contrato, tiña que estar funcionando un sistema actualizado de liñas, cuestión que non está a acontecer. O voceiro municipal do BNG, Rubén Arroxo lembraba que hai pouco máis dun ano a alcaldesa de Lugo anunciaba ante os medios que con esta actualización se ían pasar dos 8.200 desprazamentos diarios neste medio de transporte a 44.000 “todo o que nos vendeu a alcaldesa de Lugo a respecto do transporte público foi fume, e estanse a incumprir tanto o contrato como os acordos plenarios” afirmou o concelleiro do BNG. Dende o grupo nacionalista lembran que tanto no pleno de setembro como no de decembro do 2017 aprobouse por unanimidade unha proposición do BNG para que a alcaldesa convocase aos grupos, en menos de 15 días, para explicar porque se mantiña paralizado o proceso de actualización das liñas dos buses, e malia a todo a día de hoxe nin se actualizaron as liñas, nin se convocou aos grupos.
Arroxo explicou que “a ninguén se lle escapa que o actual deseño das liñas é totalmente obsoleto e hai servizos que son absolutamente deficientes”. “Non se ten en conta a creación dun novo polígono nas Gándaras, nin da existencia do HULA, nin as necesidades de moitas zonas do rural, nin se tivo en conta as suxestións de moitas persoas e colectivos que presentaron propostas nos prazos previos á adxudicación” afirmou o voceiro do BNG.
Paneis informativos e APP
Dende o BNG lembran tamén que tanto os paneis informativos como a APP seguen sen funcionar, malia que deberan estar en funcionamento dende xuño do 2016 “o goberno municipal só pon escusas absurdas sobre que os sistemas dixitais do transporte público sigan parados, cando a realidade é que amosan un desinterese absoluto”.
A rotonda da Tolda
Tal e como denunciou o BNG o pasado mes de marzo, tres liñas de bus (a 1, a 7 e a 10) están dilapidando 20.000€ anuais dando 12.000 voltas ao ano á rotonda da Tolda sen que haxa paradas entre as Pedreiras e esta. Anteriormente os buses xiraban na rotonda das Pedreiras, pero unha modificación inxustificable levounos alí creando un derroche absurdo de cartos públicos que seguen sen solventarse.
Os buses non poden cumprir os horarios
“Pedimos en numerosas ocasións que se eliminen os semáforos da Ronda coa velocidade a 30km/h pero o goberno non fixo nada, agora os autobuses non poden cumprir coas limitacións de velocidade e os horarios ao mesmo tempo” afirmou Arroxo e explicou “non é posible que un autobús salga da parada de diante de sindicatos e chegue en 20 minutos a Garabolos”. Sen unha reestruturación das liñas os buses urbanos non poden cumprir os horarios e o goberno municipal debería estar traballando neste asunto.
“Parece que dous concelleiros do BNG temos máis capacidade para resolver os problemas que o Concello a Xunta e a Deputación xuntos” afirmou Arroxo
“As excavacións previas á nova urbanización alteraron o cauce deste curso fluvial e queremos que o concello informe sobre esta alteración” dixo Rubén Arroxo
“A atención aos barrios ten que ser prioritaria para un Goberno Municipal que aposte por un Lugo do século XXI” dixo Rubén Arroxo
“A demanda xa lle foi trasladada ao Goberno Municipal pero continúa paralizada a pesar das promesas feitas polo edil de medio rural” explicou Rubén Arroxo
Para o BNG “é mostra da falta de planificación deste goberno que lles impediu a miles de visitantes a unha festa histórica disfrutar dos restos do acueducto romano da cidade”
