Para Rubén Arroxo “Apostamos por un concello sostíbel, polo que o uso seguro e normalizado da bicicleta como medio de transporte ten que ser unha realidade”

Lugo, 4 de agosto, 2015. O BNG - Asembleas Abertas inicia un proceso para estudar e diseñar un proxecto que permita que as veciñas e veciños de Lugo aposten por este medio de transporte. “Tanto na campaña como na elaboración do noso programa tivemos presente a visión de construír un concello amable ca bicicleta, agora queda traballar para que se execute” apuntou Arroxo. Para o concelleiro nacionalista lograr este obxectivo é viable e de pouco custe económico, só se precisa de vontade política. Apunta tamén que prevén ter xuntanzas con colectivos que aposten por este modelo co fin de dar cas fórmulas óptimas para que o uso deste transporte funcione socialmente. “En Lugo hai movementos que levan anos apostando polo uso da bicicleta, como poida ser a Masa Crítica, son colectivos cos que debemos traballar durante todo este proceso” explicaba Arroxo.

O voceiro do BNG – Asembleas Abertas apuntou tamén que o concello xa dispón de elementos que poden ser usados para promover a bicicleta, como son os cinco aparcadoiros que hai na zona urbana do antigo sistema de préstamo, os cales poderían ser usados como aparcadoiros cubertos e vixiados públicos. Ademais tamén

Rubén Arroxo quixo reivindicar tamén con isto unha cidade máis ecolóxica “Apostamos por un concello sostíbel, polo que o uso seguro e normalizado da bicicleta como medio de transporte ten que ser unha realidade”, tendo en conta ademais que Lugo vai precisar de amplas modificacións no que se refire ao seu modelo de mobilidade.  “En ocasións fálase erroneamente de que Lugo non é unha cidade adaptada para a bicicleta, cando dende a Praza do Rei ata a Piringalla cruzamos unha parte importante da zona urbana a través de 4km chans, ademais de termos un clima similar a moitos países europeos onde o seu uso é habitual” Aclarou Arroxo.reclamou que se debe de traballar na liña de recuperar dito servizo de préstamo.

O BNG – Asembleas Abertas ten previsto levar adiante este proceso de estudo e xuntanzas durante as vindeiras semanas, co fin de ter un proxecto claro e definido antes do pleno municipal de setembro, polo que tamén chama á participación a todas aquelas persoas ou colectivos que así o desexen.