Rubén Arroxo dixo que “o traidor maior de Lugo, como é coñecido Jaime Castiñeira, non pode representar aos lucenses, nin debe ser candidato á alcaldía”

Cosme Pombo preguntouse “ se realmente Feijoo necesita máis mortos para xustificar a posta en marcha dun servizo necesario e se tamén o creen así os parlamentario do PP lucense

Lugo, 5 de febreiro de 2015. Para o BNG resulta “intolerable” a actitude do partido popular con Lugo. “Non pode ser que Feijoo mande a Lugo a súa conselleira a insultar a intelixencia dos lucenses” asegurou o parlamentario Cosme Pombo que acudiu ao HULA, acompañado do deputado provincial Mario Outeiro, da voceira municipal Paz Abrarira e do candidato á alcaldía Rubén Arroxo. Os nacionalistas deixaron patente, coa súa presenza ante o HULA, a indignación de todas e todos os lucenses tras as últimas declaracións da conselleira de sanidade no referente á implantación do servizo de hemodinámica as 24h.

O candidato á alcaldía de Lugo, Rubén Arroxo, dixo que “o traidor maior de Lugo, como é coñecido Jaime Castiñeira, non pode representar aos lucenses, nin debe ser candidato á alcaldía”. Arroxo esixiu a  dimisión de todos os representantes do PP no parlamento galego por que “están votando, día tras día, en contra dos nosos intereses”. Para o candidato nacionalista “sería ben lamentable que as bases do partido popular mantiveran como candidato a este home que está máis preocupado por ter contento a Feijoo que por defender a saúde da xente de Lugo”.

O paralamentario do BNG, Cosme Pombo, “a actitude de suposta valentía que amosou onte esta conselleira, que nos veu contar as súas verdades, é a covardía de Núñez Feijoo que no ano 2011 mentiunos a todos”. Cosme Pombo preguntouse “ se realmente Feijoo necesita máis mortos para xustificar a posta en marcha dun servizo necesario e se tamén o creen así os parlamentario do PP lucense”. Esta cuestión realizouna o parlamentario nacionalista en relación ás razóns dadas pola conselleira para a non implantación do servizo de hemodinámica as 24h.