A Deputada do BNG no Congreso dos Deputados presentou unha iniciativa pedindo o mantemento dos servizos na estación do ferrocarril de Lugo e a reactivación de liñas ferroviarias

Rosana Pérez compareceu acompañado por cabezas de lista do BNG nos concellos polos que pasa a liña do tren na comarca de Lugo

Lugo, 7 de abril de 2015. A Deputada do BNG, Rosana Pérez, presentou hoxe en Lugo a iniciativa que levou ao Congreso dos Deputados reclamando o mantemento de servizos na estación do ferrocarril de Lugo e a reactivación de liñas ferroviarias. Rosana Pérez asegurou que “Lugo é o paradigma do deterioro do ferrocarril en Galiza”. Para o BNG “este deterioro que vemos na estación de Lugo, e que impera noutras estacións, é a imaxe delatora dos recortes do goberno do estado en materia ferroviaria”.

Ademais dos constantes recortes nas liñas ferroviarias, Rosana Pérez sinalou que “na stación do tren de Lugo a taquilla de venta de billetes, así como o punto de información, sólo permanecen abertos en horario de mediodía” e engadiu que “resulta casi imposible encontrarse a traballadores de Renfe a quen dirixirse en caso de problemas o dúbidas”.

Para o BNG “resulta preocupante que a Estación do Ferrocarril, que é porta de entrada a unha cidade cun elemento turístico patrimonio da humanidade, teña esa imaxe que é, para os visitantes, a primeira imaxen que reciben de Lugo”. Rosana Pérez lembrou que “en maio de 2014 a Ministra de Fomento sinalaba nunha sesión plenaria do Senado que o proxecto da estación intermodal de Lugo, así como la alta velocidade, van adiante” e engadiu que “a titular de Fomento indicaba que se ían destinar 3 millones de euros para a mellora da estación actual”. “Todas as inversións que se fagan non serven de nada se non se lle da vida ao ferrocarril e ás estacións”.

Rosana Pérez compareceu acompañada das persoas que encabezan as candidaturas do BNG-Asambleas Abertas nos concellos da comarca de Lugo polos que pasa a vía do ferrocarril. Os candidatos do BNG-AA de Lugo, Rubén Arroxo; Sarria, Efrén Castro; Guitiriz, Xosé Lois Souto; Láncara, Iago Bande; Rábade, Iván Sanjiao; O Corgo, Mario Outeiro, e O Páramo, María Xesús Gil; manifestaron a necesidade de que este medio de transporte público incremente as liñas de cercanias e sirva como elemento vertebrador da comarca.

A deputada do BNG pedirá, ante Ministerio de Fomento, explicacións sobre o recorte de persoal e prestacións na estación de Lugo. Rosana Pérez preguntará tamén sobre a situación na que se atopa a tramitación da prometida estación intermodal de Lugo.