O BNG PECHA EN LUGO A CAMPAÑA ÁS ELECCIÓNS EUROPEAS PEDINDO O VOTO PARA A ÚNICA CANDIDATURA GALEGA

O BNG PECHA EN LUGO A CAMPAÑA ÁS ELECCIÓNS EUROPEAS PEDINDO O VOTO PARA A ÚNICA CANDIDATURA GALEGA

rIMG_4501“Ana Miranda será a voz deste país no Parlamento Europeo por que se o BNG está, Galiza estᔠdixo Olalla Rodil, número tres da candidatura do BNG

A mocidade do BNG, Galiza Nova, celebrará unha festa de peche de campaña na que actuaron os grupos  Alberto Mundi, Skohlma,  Esquios

Lugo, 23 de maio 2014. O BNG pechou a súa campaña electoral celebrando un acto simbólico na muralla de Lugo. Os nacionalistas pediron o voto para a formación nacionalista por que “é a única candidatura galega”. Olalla Rodil, número tres da candidatura do BNG, dixo que “Ana Miranda será a voz deste país no Parlamento Europeo por que se o BNG está, Galiza está”. Ademais do acto simbólico protagonizado por  militantes, simpatizantes e cargos, do Bloque Nacionalista Galego a organización da mocidade nacionalista, Galiza Nova, organizou unha festa de peche de campaña no que participaron.

Olalla Rodil, lembrou que “as políticas da Troika condenaro a prento de 120.000 galegos e galegas á emigración”. A número tres da candidatura do BNG afirmou que “é o momento de dicirlle NON a esta Unión Europa da emigración, do desemprego, do roubo e da explotación”. Este modelo de Unión Europea, engadiu Olalla Rodil “é a ruína da mocidade galega”. No acto participou, tamén, Iago Lestegás Tizón membro da candidatura do BNG, un xoven arquitecto lucense, que neste momento está emigrado en Italia.

Lestegás pediu o voto para a candidatura do BNG e dixo que “ somos representantes dunha xeración estafada por un sistema neoliberal, o da unión europea do capital”. Iago Lestegás, membro da candidatura do BNG ao parlamento europeo, lembrou como o BNG se opuxo a entrada do estado español na unión europea e sinalou que “anunciamos que traería o que finalmente trae: miseria, desemprego, desigualdade, inxustiza, negación de oportunidades e de dereitos”.

Para o BNG esta non é a Europa dos pobos. Lestegás afirmou que “é a unión europea das grandes multinacionais e das grandes corporacións que nos exprimen para aumentar os seus beneficios e non respetan ningún tipo de leis”. “Non queremos ser a canteira de traballadores que esta sociedade forma cos cartos públicos e co esforzo das nosas familias para despois ser a man de obra doutros paises” dixo Iago Lestegás que pediu traballo digno e futuro na terra.

O BNG PECHA EN LUGO A CAMPAÑA ÁS ELECCIÓNS EUROPEAS PEDINDO O VOTO PARA A ÚNICA CANDIDATURA GALEGA