“Continuamos a traballar para mellorar a calidade de vida das veciñas e veciños da cidade”, indicou Alexandre Penas
Rubén Arroxo e Alexandre Penas visitaron os acondicionamentos realizados nos barrios de Albeiros e Abella
O Camiño de Pousadela, entre o barrio da Cheda e a ronda do Carme, e a rúa Rio Sar serán asfaltadas cun investimento total de 56.983,81 €
Lugo, 25 de outubro de 2019. O Tenente de Alcalde e responsábel da área de Mobilidade, Rubén Arroxo, anunciou no día de hoxe o reforzo nas liñas de bus urbano que comunicarán o centro co cemiterio municipal o vindeiro 1 de novembro.
A liña entre o centro da cidade e o cemiterio terá unha frecuencia de 20 minutos, saíndo entre as 9:30 e as 19 horas da Ronda da Muralla, fronte ao edificio de sindicatos. Continuará pola Ronda da Muralla, rúa Santiago, e Volta da Viña, chegando ao cemiterio tras pasar pola Estrada Vella de Santiago.
Os buses de volta, terán a mesma frecuencia de 20 minutos. A primeira liña sairá do Cemiterio, continuando pola Estrada Vella de Santiago, rúa Santiago e rematará fronte ao edificio de sindicatos na Ronda da Muralla.
Penas comprobou o avance das obras do ascensor que entrará en funcionamento a finais de novembro
Ampliarase o cadro de alumeado existente até o de agora
Alexandre Penas agradeceu a colaboración veciñal “para saber de primeira man as necesidades da zona”
“Co novo rochódromo, o entorno natural e as instalacións deportivas converteremos a Lugo en capital do turismo deportivo” afirmou Arroxo
“Patinetes eléctricos e cadeiras de rodas motorizadas son unha realidade e a cidade ten que adaptarse á súa presenza” dixo Arroxo
Aínda non sabemos nada da rotonda na confluencia de San Eufrasio con Fontiñas
Lugo, 08 de agosto 2017. O BNG preguntará polas xestión do goberno municipal en relación á toma de medidas para mellorar o tráfico na zona de Fontiñas. O portavoz do BNG, Rubén Arroxo lembrou que nos pasados meses de decembro e xaneiro a organización nacionalista tivo unha serie de xuntanzas coa veciñanza de Fontiñas co fin de preparar algunhas propostas para a mellora da mobilidade na avenida, propostas que o propio grupo municipal lle trasladou ao goberno municipal “tras recibir as propostas do BNG, o goberno municipal anunciou o pasado mes de febreiro que se ían iniciar os trámites para ver a posibilidade de aplicar medidas como a creación dun novo carril e deseñar novos aparcadoiros” e engadiu “dende aquel anuncio nada se volveu saber do tema”. “Neste momento non se tomou ningunha medida efectiva como a tan demandada de crear unha rotonda na confluencia con San Eufrasio” un punto este último que conta cun importante número de colisións e que o concelleiro do BNG responsabiliza á Xunta e Concello de non ser quen de poñerse de acordo para executala.
Rubén Arroxo lembrou “o 17 de febreiro o goberno pediulle ao gabinete de tráfico un informe sobre a posibilidade de crear un novo carril e deseñar novos aparcadoiros”. O BNG propuxo unha serie de medidas para mellorar a circulación na zona de Fontiñas. Rubén Arroxo dixo que “temos un plan para a zona e aínda que as medidas que presentamos agora non son a solución definitiva si que van a contribuír a mellorar a fluidez do tráfico”. Entre as propostas do BNG están a de dispoñer de dous carrís, cando menos dende Montero Ríos ata o cruce co carril dos Indios, considerando que o ideal sería chegar ata o carril do Xuízo, e recuperando esas prazas de aparcadoiro nalgúns dos solares abandonados da contorna que son públicos e outros chegando a acordos cos propietarios. Arroxo explicou que a creación de dous carrís en cada sentido de circulación nestes tramos suporía a eliminación dunhas 40 prazas de estacionamento, pero aplicando esta medida xunto coa creación de tres aparcadoiros disuasorios na zona, crearíanse unhas 200 novas prazas.
Cambiar o sistema de xiro nos cambios de sentido para dar axilidade á circulación é unha das propostas do BNG. Este sistema de xiro, coñecido como “xiro á Indonesia”, xa se aplica en moitas avenidas de diversas cidades e permite que os vehículos afronten o cambio de sentido da marcha sen agardar polos vehículos que fan o cambio de sentido contrario. Arroxo sinalou que este novo sistema de cambio de sentido da circulación podería aplicarse naqueles puntos nos que non existe intersección de viais e sería factible facelo en catro lugares, sendo especialmente útil para darlle fluidez xunto a Praza do Camiño Primitivo e en fronte da escalinata de Paxariños.
