Olalla Rodil sinalou “o informe de patrimonio plantexa dúbidas, e nós entendemos que nas actuacións no entorno da Muralla non pode haber dúbidas”
Anuncios en papel oficial da Xunta promovían unha “excursión” con “breve charla sobre violencia de xénero, xantar con callos e terneira asada, e visita a un centro comercial”
“Quedou demostrado que sería negativo para Lugo a apertura de novos centros comerciais” dixo Maite Ferreiro
Lugo, 11 de agosto de 2017. A parlamentaria do BNG por Lugo, Olalla Rodil insiste en que os xulgados do social de Lugo seguen a estar desbordados, polo que as medidas tomadas non lograron dar solución. dun novo xulgado do Social. “O nomeamento dunha xuíza de apoio non serviu para rematar co colapso que padecen os tres xulgados do social de Lugo como denuncia o persoal xudicial e o Colexio da Avogacía de Galiza” afirmaba a deputada, “o que precisa Lugo é crear canto antes un novo xulgado dotado dos recursos humanos, materiais e económicos necesarios”. Rodil explicou que o partido xudicial de Lugo conta na actualidade con tres Xulgados do Social e sinalou que “en diferentes ocasións o persoal que traballa nos mesmos solicitou ao TSXGa adopción de medidas de reforzo, quer específicas, quer para cada un dos órganos e mesmo chegaron a remitir unha proposta de plan de reforzo o 9 de setembro de 2014”.
Olalla Rodil lembrou que “xa en abril do pasado ano houbo mobilizacións de protesta convocadas polas organizacións sindicais perante os Xulgados” e lembrou que “no ano 2015, os tres Xulgados do Social de Lugo celebraron unha Xunta Sectorial na que solicitaron a creación dun novo xulgado e no caso de non se incrementar a planta xudicial”.
Desde a formación nacionalista lembran que o Parlamento de Galiza aprobou por unanimidade en xaneiro de 2017 unha inciativa na que insta á creación do 4º xulgado do social diante das cada vez máis amplas demoras no sinalamento das causas “datadas nalgúns casos xa para 2020”. Tamén o pleno municipal de Lugo aprobaba por unanimidade en decembro do 2016 a iniciativa do BNG para esta cuestión
“É unha vulneración do dereito á tutela xudicial efectiva que todas e todos temos recoñecido pois hai traballadores agardando que se resolvan despedimentos improcedentes ou salarios adebedados dous ou tres anos”, sinalou a deputada do BNG, Olalla Rodil. “Situacións coma esta deixan nunha situación de desprotección a moitas persoas simplemente por non contar con persoal suficiente”.
“Defendímolo en xaneiro e volveremos facelo agora, esta situación é insostíbel”, afirman desde o BNG. Desde o BNG lembran que na última xuntanza entre o Consello Xeral do Poder Xudicial e a Xunta de Galiza acordaron crear 4 novas unidades xudiciais que estarán en funcionamento en 2018 mais nese acordo “Lugo volve quedar na cola malia que as cifras refliten a necesidade de contarmos con máis un xulgado”
Rubén Arroxo afirmou que “o concello conta con moito patrimonio que é historia desta cidade e debería ser catalogado, conservado e exposto ao público”
Para o BNG-AA “a Xunta fai deixación de funcións” nunha zona que precisa de intervencións urbanistas, patrimoniais e de tipo social
Olalla Rodil dixo que “o goberno galego non pode tirar balóns fora apelando ás operadoras pola falta de cobertura nestas parroquias lucenses”
Arroxo lembrou que en setembro non se puido evitar a presenza dun circo con animais “por estar amparado por unha lei da Xunta e carecer o concello de normativa propia”
A Calella do Hospital atópase chea de pintadas, hai luminarias que non funcionan e converteuse nun urinario público
Para o BNG “non se poden seguir dando casos como o do concello de Lugo onde a Xunta mira para outro lado mentres ás ANPAS e o concello se ven envoltos por un baleiro legal que unicamente perxudica ás familias”
