Olalla Rodil e Maite Ferreiro presentaron copia das sinaturas na Xunta de Galiza e no concello de Lugo para “deixar constancia de que se trata dunha demanda social real”
“Quedou demostrado que sería negativo para Lugo a apertura de novos centros comerciais” dixo Maite Ferreiro
“Tanto Xunta como Concello gardan silencio sobre este tema e temémonos que nin PP, nin PSOE, teñen interese en que se volva a falar do asunto” afirmou Arroxo
O Parlamentario do BNG Xosé Luis Rivas “Mini” pediu, en Sarria, que o plan anunciado para A Mariña se estenda a todas as comarcas e se dote de medios aos concellos
Arroxo lembrou que “houbo propostas interesantes como a de chamarlle Reimundo de Borgoña ou a proposta de Santiago Fernández Rocha que propuxo nomear a avenida como Irmandades da Fala”
“A actuación da Xunta de Galiza foi tardía pero exemplar, aínda que queda pendente o escudo do edificio de Sanidade na rúa María Balteira” dixo Arroxo
“En 2 anos e medio nin alternativa á ORA, nin modificación das prazas dos soterrados, nin `Leira Parking´, nin disuasorios, pero si moito fume e propaganda” Rubén Arroxo
Lugo, 7 de decembro de 2017. O voceiro do BNG, Rubén Arroxo, rexistrou unhas serie de preguntas para a comisión municipal de cara a pedir explicacións pola “incapacidade que amosa o goberno municipal para dar solución aos problemas de mobilidade e de tráfico”. En canto a isto para o portavoz municipal do BNG “o goberno local non foi quen aínda de darlle solución á proposta estrela deste PSOE nada máis entrar, hai 2 anos e medio, como foi retirar o sistema ORA” dende a organización nacionalista cuestionan que a comisión de municipalización deste servizo só se convocase para constituírse e de iso xa pasaron 2 anos. Dende o BNG lembran a súa proposta dun servizo alternativo que sexa público e gratuíto, pero que garanta que haxa sitios onde estacionar nos puntos de máis servizos da cidade, dado que a día de hoxe resulta practicamente imposible.
O propio concelleiro tamén fixo fincapé na pouca preocupación da alcaldesa por sacar adiante os aparcadoiros disuasorios “dende o BNG fixémoslle xa hai 2 anos unha proposta para utilizar diferentes terreos abandonados na cidade como aparcadoiros, no seu día o goberno aceptouna e incluso lle asignou unha partida económica, pero entramos na época de nadal, que é cando máis problemas hai de estacionamento de vehículos e seguimos sen ver absolutamente nada”. Ao igual que existía partida económica para os xa prometidos por Orozco “Leira Parkings” do HULA e dos que aínda non hai nin a primeira pedra. Nesta mesma liña dende o grupo nacionalista lembran tamén que están paralizadas as negociacións prometidas para modificar as prazas dos aparcadoiros soterrados co fin de que collan os vehículos actuais. “en 2 anos e medio nin alternativa á ORA, nin modificación das prazas dos aparcadoiros soterrados, nin “Leira Parking”, nin aparcadoiros disuasorios, pero si moito fume e propaganda”
Finalmente dende o BNG volveron denunciar o pouco respecto do goberno municipal aos acordos plenarios, “incluso os sinxelos de executar e que eles mesmos votan a favor” como foi co caso da proposición presentada polo grupo nacionalista e aprobada por unanimidade o 28 de setembro para que en menos de 15 días se convocase a todos os grupos para expoñer o modelo de novas liñas de buses que debería estar funcionando dende xuño. Malia todo isto dende o goberno municipal non só non puxeron a funcionar o novo modelo, senón que tampouco convocaron aos grupos municipais. Cuestión a do transporte público que preocupa aos nacionalistas, dado que entenden que “é imposible reducir o número de vehículos privados nas nosas rúas se non se crea un transporte público eficiente”, afirmando tamén que ao non ter tomado ningunha medida en canto comece a chover volveranse producir grandes atascos.
Olalla Rodil lembrou que o BNG xa presentou unha emenda aos orzamentos reclamando unha inversión mínima de 2 millóns de euros para o barrio
“Parece que os lucenses imos ter que ir a Bruxelas para enterarnos do que se quere facer en Lugo” ironizou Arroxo
