“A tarifa eléctrica galega tería que ser unha realidade e lembrou que o concello de Lugo ten paralizadas dúas plantas de produción eléctrica” afirmou Arroxo
O voceiro do BNG advertiu que “o BNG non vai permitir que se privatice o último é máis exitoso servizo público creado neste concello”
O cuartel de San Fernando, o Plan Paradai e o corredor Nadela – Sarria non están nos orzamentos da Xunta para o 2019
O voceiro do BNG-AA, Rubén Arroxo, ven de recibir a unha sanción de 90 euros por instalar un letreiro no entorno das Saamasas
Para o BNG “parece que se impón o sentido común e que o goberno municipal escoitou o que a rúa demanda”
Despois da implantación da velocidade a 30 km/h na ronda da Muralla o BNG propuxo a eliminación de semáforos para dar maior fluidez ao tráfico
“Se a Xunta non é capaz nin de manter as zonas verdes do novo auditorio, que cando menos nos permita acceder a nós” Afirmou Rubén Arroxo
O BNG pedirá, na Comisión de seguimento de asuntos plenarios, a información do contrato coa concesionaria que o goberno se nega a facilitar
O BNG advertiu en xullo de 2017 deste vertido de auga á que se referiu onte un edil do PP que aseguraba que se iniciou fai 1 mes
O BNG denuncia novamente a falta de interese do goberno municipal polo bus urbano
“O bus non funciona e a alcaldesa mira para outro lado” afirmou Rubén Arroxo
Lugo, 25 de xuño de 2018. O BNG volve denunciar a falta de interese do goberno municipal a respecto do transporte público, ao igual que os incumprimentos con Lugo. Este 26 de xuño cúmprese un ano dende que, segundo o contrato, tiña que estar funcionando un sistema actualizado de liñas, cuestión que non está a acontecer. O voceiro municipal do BNG, Rubén Arroxo lembraba que hai pouco máis dun ano a alcaldesa de Lugo anunciaba ante os medios que con esta actualización se ían pasar dos 8.200 desprazamentos diarios neste medio de transporte a 44.000 “todo o que nos vendeu a alcaldesa de Lugo a respecto do transporte público foi fume, e estanse a incumprir tanto o contrato como os acordos plenarios” afirmou o concelleiro do BNG. Dende o grupo nacionalista lembran que tanto no pleno de setembro como no de decembro do 2017 aprobouse por unanimidade unha proposición do BNG para que a alcaldesa convocase aos grupos, en menos de 15 días, para explicar porque se mantiña paralizado o proceso de actualización das liñas dos buses, e malia a todo a día de hoxe nin se actualizaron as liñas, nin se convocou aos grupos.
Arroxo explicou que “a ninguén se lle escapa que o actual deseño das liñas é totalmente obsoleto e hai servizos que son absolutamente deficientes”. “Non se ten en conta a creación dun novo polígono nas Gándaras, nin da existencia do HULA, nin as necesidades de moitas zonas do rural, nin se tivo en conta as suxestións de moitas persoas e colectivos que presentaron propostas nos prazos previos á adxudicación” afirmou o voceiro do BNG.
Paneis informativos e APP
Dende o BNG lembran tamén que tanto os paneis informativos como a APP seguen sen funcionar, malia que deberan estar en funcionamento dende xuño do 2016 “o goberno municipal só pon escusas absurdas sobre que os sistemas dixitais do transporte público sigan parados, cando a realidade é que amosan un desinterese absoluto”.
A rotonda da Tolda
Tal e como denunciou o BNG o pasado mes de marzo, tres liñas de bus (a 1, a 7 e a 10) están dilapidando 20.000€ anuais dando 12.000 voltas ao ano á rotonda da Tolda sen que haxa paradas entre as Pedreiras e esta. Anteriormente os buses xiraban na rotonda das Pedreiras, pero unha modificación inxustificable levounos alí creando un derroche absurdo de cartos públicos que seguen sen solventarse.
Os buses non poden cumprir os horarios
“Pedimos en numerosas ocasións que se eliminen os semáforos da Ronda coa velocidade a 30km/h pero o goberno non fixo nada, agora os autobuses non poden cumprir coas limitacións de velocidade e os horarios ao mesmo tempo” afirmou Arroxo e explicou “non é posible que un autobús salga da parada de diante de sindicatos e chegue en 20 minutos a Garabolos”. Sen unha reestruturación das liñas os buses urbanos non poden cumprir os horarios e o goberno municipal debería estar traballando neste asunto.
