O candidato do BNG á alcaldía sinalou “cada quilómetro que percorren os bueses cóstanlle ao concello 2,10 euros e o do taxi 1 euro / quilómetro”

Para o BNG non é normal que os asfaltados no rural se fagan de xeito aleatorio ou atendendo a cuestións que nada teñen que ver coas necesidade reais

O presidente e o portavoz da Federación Veciñal achegaronse ao local do BNG e doutras forzas da oposición para tratar de xustificar o contido da nota emitida onte pola Federación, Arroxo propúxolles acompañalos na súa ruta  por barrios e parroquias para explicarlle á veciñanza a postura do BNG

Lugo, 26 de xullo 2017. O BNG propón instalar un parque infantil no espazo situado na Carballeira de Nadela, dende a formación nacionalista informan que as nenas e nenos que alí viven, ou van ao colexio, non teñen ningunha instalación de xogos antes de chegar a Lugo “en Nadela e na súa contorna agrúpase un importante número de nenas e nenos, polo que sería idóneo darlles un espazo de lecer” dixo Rubén Arroxo. A proposta do BNG sería a de unir neste lugar, cunhas condicións xa de por si positivas pola sombra das propias árbores, un parque infantil con algúns aparatos de exercicios para persoas adultas dentro dun parque biosaudable, “a idea é que permita un uso interxeracional do espazo, de tal forma que se acade un lugar de encontro social entre nenas e nenos con persoas adultas” dixo o concelleiro nacionalista.

O BNG entende que o rural precisa de servizos básicos e tamén de espazos de dinamización e de encontro, de aí que considere a necesidade de deseñar parques e zonas de lecer co fin de que a poboación das parroquias teña os mesmos servizos e alternativas que a xente da cidade “querer que a xente viva no rural non pode ser só un eslogan, precisamos dar servizos como o abastecemento de augas, transporte ou internet pero tamén parques e prazas nas que as persoas se poidan xuntar e poidan sentarse a falar, a facer exercicio, e que os nenos poidan xogar” dixo Arroxo. Nesta liña o BNG vén de rexistrar un iniciativa para a comisión de Medio Rural de cara a que o goberno municipal deseñe unha liña de execución destas infraestruturas de forma repartida entre diferentes parroquias do municipio.

“O concello pode destinar os 500.000 € do Plan Único da Deputación, a Xunta debería aportar outro tanto para avanzar neste plan” dixo Arroxo

O BNG fará unha campaña de divulgación polas parroquias para informar a veciñas e veciños de como actuar se saben dalgún vertedoiro de lixo

A falta de limpeza e os colectores tirados son habituais no punto de recollida da parroquia de Piugos e existe un vertedoiro na estrada de Cuiña