O Tenente Alcalde informou que nos vindeiros días se executarán novos pasos de peóns elevados en Augas Férreas, Rolda das Fontiñas, Rúa Mazaira, Rúa Curros Enríquez e Rúa Afonso X o Sabio
O Tenente Alcalde informou que o calmado do tráfico é unha prioridade en toda a cidade
Realizaranse catro novos pasos elevados na Ronda das Fontiñas, Rúa Mazaira, Rúa Curros Enríquez e Rúa Afonso X o Sabio
“En Lugo supéranse todos os anos os 50 atropelos, urxe apostar pola mellora da seguridade vial”, indicou Arroxo
No mes de outubro aprobouse unha proposición do BNG no Pleno do Concello para mellorar a sinalización e non se fixo nada
Lugo, 09 de agosto de 2017. A concelleira do BNG, Maite Ferreiro presentou unha serie de preguntas para a comisión municipal de Cultura de cara a saber en que situación se atopa o estudo para a posible escavación do Castro da Piringalla. O pleno municipal, por iniciativa do BNG, aprobaba por unanimidade en setembro do 2016 un acordo para iniciar os estudos pertinentes para coñecer os restos que existen baixo terra da Agra dos Castros na zona norte da cidade, que se descubriron no ano 2007, no transcurso dunhas obras municipais de substitución dunha das tubaxes de canalización de auga que conducen aos depósitos municipais situados xusto enfronte do castro. A concelleira nacionalista considerou moi importante poder poñer en valor estes achados, que en palabras de moitos expertos permitirán resolver moitas cuestións pendentes sobre como foi o contacto que tiveron os pobos asentados en Lugo coa chegada dos romanos “entendemos que a escavación deste castro permitirá coñecer moito máis sobre a historia de Lugo, de aí que consideremos importante que se lle preste atención e que se fagan os trámites precisos para a súa recuperación” dixo Maite Ferreiro.
Para o BNG “o Castro da Piringalla, máis aló de permitirnos coñecer o pasado prerromano, pode converterse nun importante punto de atracción turística para a cidade”. Maite Ferreiro sinalou que “Viladonga demostra que estamos desaproveitado recursos que temos dentro da propia cidade”. O Castro da Piringalla ademais axudaría a dinamizar a zona norte da cidade, especialmente os barrios da Piringalla e Garabolos.
Actualmente na documentación á que teñen acceso os grupos municipais recóllese que o goberno municipal concorreu ás subvencións do programa europeo INTERREG co fin de poder optar a recursos económicos para levar os traballos pertinente. Ademais cómpre ter en conta que malia que parte dos terreos onde se sitúa o xacemento son privados, a lexislación permitiría iniciar a investigación e estudo, a maiores o PXOM recolle este espazo como zona verde dentro da unidade de actuación S-6.R, polo que se podería incluso actuar por diferentes vías urbanísticas para podelo converter nun espazo público.
O BNG propón para este espazo a escavación do castro, a posta en valor ao aire libre dos restos atopados e a construción dun pequeno museo e centro de interpretación que complete o conxunto museístico. Moi preto deste lugar tamén se atopan os restos achados do acueducto usado na época romana para traer a auga ata a cidade. Deste xeito completaríase un interesante circuito pola cidade que comezaría na época castrexa e remataría na Muralla e a romanización, podendo amosar ás persoas visitantes unha visión máis global e completa do mundo romano e da historia da cidade.
“Na primavera deberíase poñer en marcha un destes itinerarios nalgún centro da cidade para que no vindeiro curso se poida extender a iniciativa a máis centros” dixo Arroxo
“Este tipo de iniciativas xa se ten experimentado noutros concellos do estado e debe ter como obxectivo a información e non a sanción” dixo Rubén Arroxo
Un informe afirma que con limitacións da velocidade a 30 km/h poderían evitarse o 85 % dos accidentes, no caso de Lugo serían 291 atropelos os que se terían evitado
Os nacionalistas pedirán, tamén, que se estude a reubicación das paradas de autobús no Ceao para dar un mellor servizo ás persoas usuarios
