Rubén Arroxo propón un plan de compostaxe para aforrar 1 millón de euros ao concello cada ano
O candidato do BNG aposta por camiñar “cara un Lugo sostible e moderno, para ser un concello referente”
O candidato do BNG aposta por camiñar “cara un Lugo sostible e moderno, para ser un concello referente”
O candidato do BNG á alcaldía lembrou “é incrible que a maioría dos concellos do entorno teñan zona de baño e Lugo leve 10 anos esperando por ela”
A reestruturación dos buses, políticas transversais de xénero, potenciación do casco histórico e servizos sociais son prioridade no programa do BNG
O BNG advertiu en xullo de 2017 deste vertido de auga á que se referiu onte un edil do PP que aseguraba que se iniciou fai 1 mes
O BNG denuncia novamente a falta de interese do goberno municipal polo bus urbano
“O bus non funciona e a alcaldesa mira para outro lado” afirmou Rubén Arroxo
Lugo, 25 de xuño de 2018. O BNG volve denunciar a falta de interese do goberno municipal a respecto do transporte público, ao igual que os incumprimentos con Lugo. Este 26 de xuño cúmprese un ano dende que, segundo o contrato, tiña que estar funcionando un sistema actualizado de liñas, cuestión que non está a acontecer. O voceiro municipal do BNG, Rubén Arroxo lembraba que hai pouco máis dun ano a alcaldesa de Lugo anunciaba ante os medios que con esta actualización se ían pasar dos 8.200 desprazamentos diarios neste medio de transporte a 44.000 “todo o que nos vendeu a alcaldesa de Lugo a respecto do transporte público foi fume, e estanse a incumprir tanto o contrato como os acordos plenarios” afirmou o concelleiro do BNG. Dende o grupo nacionalista lembran que tanto no pleno de setembro como no de decembro do 2017 aprobouse por unanimidade unha proposición do BNG para que a alcaldesa convocase aos grupos, en menos de 15 días, para explicar porque se mantiña paralizado o proceso de actualización das liñas dos buses, e malia a todo a día de hoxe nin se actualizaron as liñas, nin se convocou aos grupos.
Arroxo explicou que “a ninguén se lle escapa que o actual deseño das liñas é totalmente obsoleto e hai servizos que son absolutamente deficientes”. “Non se ten en conta a creación dun novo polígono nas Gándaras, nin da existencia do HULA, nin as necesidades de moitas zonas do rural, nin se tivo en conta as suxestións de moitas persoas e colectivos que presentaron propostas nos prazos previos á adxudicación” afirmou o voceiro do BNG.
Paneis informativos e APP
Dende o BNG lembran tamén que tanto os paneis informativos como a APP seguen sen funcionar, malia que deberan estar en funcionamento dende xuño do 2016 “o goberno municipal só pon escusas absurdas sobre que os sistemas dixitais do transporte público sigan parados, cando a realidade é que amosan un desinterese absoluto”.
A rotonda da Tolda
Tal e como denunciou o BNG o pasado mes de marzo, tres liñas de bus (a 1, a 7 e a 10) están dilapidando 20.000€ anuais dando 12.000 voltas ao ano á rotonda da Tolda sen que haxa paradas entre as Pedreiras e esta. Anteriormente os buses xiraban na rotonda das Pedreiras, pero unha modificación inxustificable levounos alí creando un derroche absurdo de cartos públicos que seguen sen solventarse.
Os buses non poden cumprir os horarios
“Pedimos en numerosas ocasións que se eliminen os semáforos da Ronda coa velocidade a 30km/h pero o goberno non fixo nada, agora os autobuses non poden cumprir coas limitacións de velocidade e os horarios ao mesmo tempo” afirmou Arroxo e explicou “non é posible que un autobús salga da parada de diante de sindicatos e chegue en 20 minutos a Garabolos”. Sen unha reestruturación das liñas os buses urbanos non poden cumprir os horarios e o goberno municipal debería estar traballando neste asunto.
O BNG xa propuxo no mes de xaneiro pasado a posta en marcha dun plan específico de concienciación e control nos pasos de peóns
No ano 2017 houbo un total de 49 atropelos no casco urbano de Lugo dos cales o 73 % foron nos pasos de peóns
“A alcaldesa sacou o atril fai un ano para prometer 7 aparcadoiros con 600 prazas en 12.000 metros cadrados anunciando que estarían operativos no verán” dixo Arroxo
“Queremos saber cal é a cifra oficial de atropelos para tomar medidas ao respecto, xa que temos constancia de polo menos 36 atropelos no 2017” dixo Arroxo
O PSOE, no goberno provincial, impediu que o BNG executara o acceso ao río que tiña autorizado por Confederación e Xunta para a zona de As Saamasas