Maite Ferreiro informou “existe informe da policía local que detalla que os aparcadoiros permanecen pechados durante a noite a da publicidade de que están abertos as 24 horas”
Máis de 20 cidades da península integran esta asociación de concellos que promove a diminución do uso de vehículos a motor nos cascos urbáns
O BNG como parte integrante da Plataforma Lugo de cara ao Miño faise corresponsable e convida a mobilización de apoio ás 3 persoas denunciadas pola empresa INCA
O BNG aposta polo acondicionamento deste tramo e pola futura adecuación da vía ferroviaria, cando quede fora de uso, como senda verde
A parlamentaria por Lugo, Olalla Rodil, dixo que “non se pode consentir un investimento de 17 millóns de euros para ter outro edificio pechado”
O edificio da residencia e centro de día do Cádavo-Baleira foi rematado fai aproximadamente un ano e aínda non se puxo en servizo
“un atropelo a 30km/h ten un 10% de probabilidades de ser mortal, mentres que a 50km/h ten un 80% ” dixo Rubén Arroxo
Lugo, 28 de decembro 2016. O BNG anunciou que neste 2017 que entra, vai reivindicar que o límite a 30km/h non sexa só para a Ronda da Muralla, senón que chegue á maior parte da cidade. O portavoz municipal, Rubén Arroxo, explicaba que estas son “medidas salvavidas”, dado que Lugo segue a ser unha cidade cun importante número de atropelos, segundo os últimos datos publicados pola DGT (os do 2014) houbo 38 atropelos na zona urbana, dos cales 12 foron hospitalizados, ademais os datos din que está a haber un incremento neste tipo de accidentes, polo que cómpre buscar solucións para rematar con esta situación. A maiores disto o concelleiro nacionalista explicaba que avenidas como a da Coruña, Ramón Ferreiro ou Fontiñas, nas que ten habido atropelos nos últimos anos, a maior parte dos vehículos xa circulan a esa velocidade, polo que non provocaría modificacións no tráfico pero si conseguiría frear a aqueles vehículos que vaian máis rápido. Tamén aclarou o voceiro nacionalista que “non ten sentido que a Ronda da Muralla estea limitada a 30km/h pero que te poidas meter en rúas residencias a 50km/h, de aí a necesidade de ampliar a medida de forma máis global”
Dende o BNG amosaron os datos dos estudos feitos pola propia DGT, nos que se di que “un atropelo a 30km/h ten un 10% de probabilidades de ser mortal, mentres que a 50km/h ten un 80%, de aí que consideremos que é unha medida básica para garantir a seguridade, e máis vendo como as experiencias en moitos países europeos, coma en Holanda, Suíza ou Dinamarca, ou na veciña cidade de Pontevedra están a ser moi positivas neste aspecto” dixo Rubén Arroxo. Tamén lembraron dende o grupo nacionalista que non só a DGT anima ás cidades a reducir o seu límite a 30km/h, senón que tamén a OMS apostaba por isto nun informe que elaborou no 2011 advertindo que se reduciría 8 veces a posibilidade de morte por atropelo.
“Entre todas temos que poñer en marcha solucións urxentes para a revitalización do Casco Histórico, do seu comercio e da hostalería” afirmou Maite Ferreiro
